Mateo 2:4 - Cofán: Chiga Tevaen'jen

⁴ Herodesja Chigama afa'su nasundeccuma ttu'se. Toya'caen Chiga manda'choma atesiansundeccuma'qque ttu'sepa tsendeccuma iñajampaña Cristoja mani isuyeya'choma.

Mateo 2:4 Iomraidhean Croise

Salmos 2:2

Poi ande'su nasundeccu tsu ñoña'fa geraeñe. Canqque nasundeccu'qque tsu tayo bo'fa Na'su Chigai'ccu iyiccoye. Tise in'jan'cho na'suma'qque tsu iyicca'ye'fa.

Mateo 13:52

Tsonsi tsu su: —Poi Chiga manda'choma atesian'su majan pañamba Chigama na'sian'cho a'ive da'ta tsa'o nasiaca'on tsu. Tsa tsa'o na'su tise'pa an'bian'chone tayopi'su ñotssia jincho'choma canjaeñe osha. Toya'caen tsu cuna ñotssiama canjaeñe osha.

Mateo 2:3

Ande na'su Herodesja tsama pañamba dyo, faesu na'su tisema joqquitssiansa'ne. Poiyi'cco Jerusaléni can'jensundeccu'qque asi'ttaemba dyo'fa.

Mateo 2:5

Tsendeccuja su'fa: —Judea ande'su Belén canqqueni tsu tisemajan isuya'cho. Nane qquen tsu tayopi'su Chiga Aya'fama afa'suja Chiga Aya'fama tevaemba su:

Mateo 21:15

Tsa'ma Jesús tsa'caen ñotsse tsonsi Chigama afa'su nasundeccu, Chiga manda'choma atesiansundeccu'qque attepa iyicca'ye'fa. Nane dushunaccu'qque Chiga ettini fundondo'e afa'fa: “Ñotssi tsu na'su David Dutssi'ye.” Qquen afa'fasi nasundeccu ti'tsse iyicca'yepa

Mateo 21:23

Chiga ettini ccase ca'nimba Jesús a'ima atesian'jen. Atesian'jensi Chigama afa'su nasundeccu, israendeccu coenzandeccu'qque tiseni jipa qquen iñajampaña'fa: —¿Majan na'su in'jaensi qui queja tsa'caen tsincon? ¿Majan tsu quema manda antte na'sia'caen mandaye?

Mateo 26:3

Tsa'caen Jesús su'je'qui tsu cca'ttinga Chigama afa'su nasundeccu, Chiga manda'choma atesiansundeccu, israe'su coenzandeccui'ccu fae'ngae bo'fa. Ti'tsse'tssia Chigama afa'su na'su, Caifás tsaoni bo'fa.

Mateo 26:47

Jesús toya afa'je'ni Judas, fa'e Jesúsma doce shondosundeccu'su, ji. Tsain'bio a'i tisei'ccu fae'ngae ji'fa. Chigama afa'su nasundeccu, israe'su coenzandeccu tise'pama manda moen'fasi matichi'ccu, quini'ccoi'ccu ji'fa.

Mateo 27:1

A'tasi toya ñoa'me sinte'yi poiyi'cco Chigama afa'su nasundeccu, israe'su coenzandeccui'ccu bopa fae'ngae su'fa Jesúsma fi'ttiye.

Mateo 7:29

Chiga manda'choma atesiansundeqquia'cambipa Jesúsja na'sia'caen in'jamba atesian.

Marcos 8:31

Tsomba Jesúsja atesiañe ashaemba su: —Sefaccone Ji'cho A'i gi me'detsse vanaña. Nane coenzandeccu, Chigama afa'su nasundeccu, Chiga manda'choma atesiansundeccu'qque ñama chi'gapa fi'tti'faya. Tsa'ma ñama fi'tti'fa'ni'qque tres a'tangae gi ccase qquendyaya.

Lucas 20:19

Chiga Tevaen'jema atesu'chondeccu, Chigama afa'su nasundeccu'qque tse'faei'ccuyi Jesúsma indiye in'jan'ma antte'fa aindeccuma dyojopa. Nane nasundeccuja pañamba in'jan'fa tise'pane Jesús va condase'pama tsa'caen condase.

Lucas 23:10

Chigama afa'su nasundeccu, Chiga Tevaen'jema atesu'chondeccu Herodesnga fae'ngae ccutsupa ñoa'me Jesúsne osha'cho egave conda'fa.

Juan 18:3

Tsa'caen atesupa Judas'qque ca'ni tsain'bitssia sundarondeccui'ccu. Toya'caen Chigama afa'su nasundeccuja, fariseondeccuja Chiga etti'su sundarondeccuma'qque moen'fa Judasi'ccu. Poiyi'cco sundaro matichi'ccu jiji'fa. Cosesi tuño, rampariama'qque i'fa.

Juan 3:10

Jesúsja afapa su: —Queja israe atesian'suta ¿ma'camba qui atesumbi tsama?

Juan 7:32

Fariseondeccuja aindeccu Jesúsne condasecco'fa'choma paña'fa. Pañamba tsendeccuja Chigama afa'su nasundeccui'ccu Chiga etti'su sundarondeccuma manda'fa cuintsu Jesúsma indi'faye.

Juan 8:3

Atesian'jen'ni Chiga Aya'fama tevaensundeccu, fariseondeccu'qque indipa i'fa pushesuma –tsa'ndu atesumbe faesui'ccu canse'choma. Tse'tti sheque'chombe enttingenga ccutsiamba

Tson'fa'cho 23:9

Poiyi'cco qquejecco'fasi majan fariseoa'caen in'jamba Chiga Tevaen'jema atesu'chondeccuja ccutsupa su'fa: —Egae tsincombi tsu va a'ija. Chigama sefani'su shondo'su, sefani'su ñotssia qquendya'pa tisema afa'ninda, ¿ma'caen atesuya?

Tson'fa'cho 4:5

Ccaqui a'ta israe'su nasundeccu, toya'caen coenzandeccu, Chiga manda'choma atesu'chondeccu'qque, Jerusaléni bo'fa.

Tson'fa'cho 6:12

Tsa'caen afopoen'fasi afepoensundeccuja poiyi'cco aindeccuma qquejeccoen'fa. Nane coenzandeccuma, Chiga tevaen'jema atesu'chondeccuma'qque qquejeccoen'fa. Tsa'caen qquejeccopa Estebanga catsepa qquitssa indi'fa. Indipa nasundeccu bo'fa'chonga anga'fa.