Lucas 7:46 - Cofán: Chiga Tevaen'jen

⁴⁶ Que ña tsovema yayapoembisi tiseja ña tsu'ttema ñome'bai'ccu onjoen.

Lucas 7:46 Iomraidhean Croise

2 Samuel 12:20

Pañamba Davidja ande'ye jangipa onjon. Onjomba ñome'bai'ccu ño'memba cuna ondiccu'jema ondiccu. Ondiccupa Na'su Chiga ettinga ca'nimba Na'suma iñajan. Iñajan nanimba toequi tise tsaoni jipa dyaipa aña'chove afa. Afesi an nanisi tsu

Salmos 23:5

Ñama noñangiansundeccu ñama shoquendi'fasi queja anqque'suma ñoñamba ñanga o'fian. Oveja tsovema yayapai'ccu onjoenqquia'caen qui ñama ccushaen. Ña tasa on'bapa fe'ti'tsse qui ñama cui'ña.

Mateo 6:17

Tsa'ma que'ija asettupa ambe ca'an'qque Chigama iñajañe, que cambajuma ovashipa tosema'qque fuchhaja ccaningae attiansa'ne.

Lucas 7:47

Tsa'cansi gi quema su: Tsa pushesuja tsain'bitsse egae tsincon'chopa pa'ccoma joqquitssiangepa ñame ñotsse in'jan. Tsa'ma majan a'i re'riccoe egae tsincon qquen in'jamba re'riccoe joqquitssiangepa aqquia re'riccoe ñame in'jan.

Rut 3:3

Tsa'cansi qquen tsonjan: Onjomba ño'memba que ti'tsse ñotssia vatama ondiccuja. Tsomba a'tutsse tise attesa'ne qquesho'jeccuni japa ronda'jeja tise amba cu'i naniña'ngae.