Lucas 7:22 - Cofán: Chiga Tevaen'jen

²² Tsa'caen ccushaen'jemba Juanma shondosundeccuma su: —Japa que'i attepa paña'choma Juanga conda'faja. Binindeccu tsu bitta'fa. Ccutsumbindeccu tsu tsui jacan'fa. Na congomba pajisundeccu tsu giya'tsse ccushapa ja'fa. Tsosinambindeccu tsu paña'fa. Nane panjin ccui'chondeccu tsu ccase qquendya'fa. Va'chandeccu'qque tsu Chiga a'ima ccushaeña'chone ñotsse condase'choma paña'fa.

Lucas 7:22 Iomraidhean Croise

Mateo 11:5

Binindeccu tsu atte'fa. Ccutsumbindeccu tsu tsui jacan'fa. Na congomba pajisundeccu tsu giya'tsse ccushapa ja'fa. Tsonsinambindeccu tsu paña'fa. Nane pajin ccui'chondeccu ccase tsu qquendya'fa. Va'chandeccu'qque ñotsse condase'choma tsu paña'fa.

Mateo 21:14

Tsonsi binindeccu, ccareshendeccu'qque Chiga ettini tisenga ji'fa. Jisi Jesús tise'pama ccushaen.

Lucas 4:18

Chiga Qquendya'pa tsu ñama in'jaemba manda va ñotsse condase'choma va'chandeccunga candusiañe. Ñama manda injama'choni ñombi'yesundeccuma ccushaeñe. Ñama manda indiye'chondeccunga tise'pama ccupaya'chone condaye. Ñama manda cuintsu binindeccu atte'faye. Ña gi noñangiañesundeccuma ccushaeña.

Lucas 7:21

Tsendeccu caña'jen'ni Jesúsja tsain'bio pajisundeccuma ccushaen'jen. Nane osha'cho paqque'sui'ccu pajisundeccuma ccushaen. Cocoyama joqquitssiamba binindeccuma'qque bittaen.

Lucas 7:23

Majan ñame in'jamba ansangembi'ta ñoa'me tsu avujatssi'faya.

Juan 1:46

Natanaelja su: —¿Minguite tsu Nasaret'ye ñotssiaja somboya? Tsa'caen susi Felipeja su: —Jipa can'gija.

Tson'fa'cho 26:18

Nane tise'panga gi quema moeña cuintsu tise'pa tso'fe fettayeqquia'caen sinttia'ye piyicamba a'tatssianga jaqquia'caen tise'pa injama'choma ñoña'faye. Tsa'caen ñoñamba cocoya na'su Satana in'jaen'choma catipa tsu Chiga Quitsave in'jamba paña'faya. Toya'caen ñame tsa'caen in'jan'fasi gi tise'pa egae tsincon'choma joqquitssiamba poiyi'cco Chiga in'jan'chondeccui'ccu fae'ngae ca'niaña.”

Tson'fa'cho 8:7

Nane majan cocoya ca'ni'chondeccuma ccushaensi tsendeccu'ye cocoya'qque fundopa somboin ja. Toya'caen tsain'bio ccutsumbindeccu, ccareshendeccuma'qque Felipeja ccushashaen'jen.

Santiago 2:5

Ña in'jan'cho faenga'su Cristove in'jan'chondeccu, vama paña'faja. Chigaja va ande'su mendeqquiama in'jamba antte cuintsu tsendeccu Tise've in'jamba ricove daqquia'caen Tise dutssiyendeccuve da'faye. Tsa'caen tsu Chigaja tayoe ñoa'me su tisema in'jan'chondeccune.