Lucas 6:7 - Cofán: Chiga Tevaen'jen

⁷ Fariseondeccu, Chiga Aya'fama atesiansundeccu'qque Jesúsma camboen'jen'fa. Nane sema'ma'qquia a'ta Jesús se'je ccushaen'ninda, tiseja egae tsincon'su qquen suye ronda'je'fa.

Lucas 6:7 Iomraidhean Croise

Mateo 5:39

Tsa'ma ñanda gi que'ima su: Cca'i quema egae tsincon'ni'qque tsama se'pijama. Nane a'i quema faefa'su tsovejuma tssai'ninda ccafa'su tsovejuma canjaen'faja cuintsu tsama'qque tssaiye.

Marcos 3:2

Cca'indeccuja ron'da dyai'fa Jesús sema'ma'qquia a'ta ccushaen'ninda “Queja egae tsincon” qquen suye.

Lucas 13:14

Tsa'ma Chigane atesian'jen'tti'su na'suja Jesús sema'ma'qquia a'ta ccushaensi iyicca'yepa a'inga su: —Seis a'ta tsu semaña'choja. Tsesu a'tayi tsu jipa ccushaengeya'cho. Tsa'ma sema'ma'qquia a'taja ji'masia.

Lucas 20:20

Tsa'caen indiye oshambipa a'tutsse tisema can'boen'fa. Toya'caen cca'indeccuma moen'fa Jesúsma shondosundeqquia'caen attian'faye. Tsendeccuja Jesúsma can'boemba tise jongoesu qquen su'choma ttatta'fa tisema afopoemba indipa governaroronga afeye.

Juan 9:16

Qquen susi majan fariseondeccuja su'fa: —Tsa'caen sema'ma'qquia a'ta injansembe tsincon'cho a'ita Chigambembi tsu. Tsa'ma cca'indeccuja su'fa: —¿Ma'caen tsu egae tsincon'su'ta oshaya qquen ñotssiama canjaeñe? Tsa'caen supa fae'ngae in'jan'fambi.