Lucas 5:21 - Cofán: Chiga Tevaen'jen

²¹ Tsa'caen susi Chiga manda'choma atesiansundeccu, fariseondeccu'qque tisupapora iñajampañacco'fa: —¿Jongoesu qquen tsu va a'ija in'jan? Chigayi tsu egae tsincon'choma joqquitssian'su. ¿Tiseja Chiga qquen ti in'jan?

Lucas 5:21 Iomraidhean Croise

Salmos 103:3

Na'su tsu pa'cco ña egae tsincon'choma joqquitssian'su. Tise tsu pa'cco ña paji'cho'ye ñama ccushaen'su.

Salmos 32:5

Tsa'caen dapa gi in'jamba ña egae tsincon'choma quenga conda. Jongoesuveyi'qque a'tumbitsse gi in'jamba su: “Na'sunga gi ña egae tsincon'choma condaya.” Condasesi qui tsa egae tsincon'cho shacama joqquitssian.

Isaías 1:18

Na'suja qquen su: “Ji'faja. Jinge que'i egae tsincon'chone condasecco'faye. Que'i egae tsincon'cho cutsse amundeqquia'caen que'ima daño'ni'qque gi me'tsse chandisu'ccoa'caen tototssia've que'ima giyaeña. Nane sarupa cu'a da'choma giya'tsse oveja tose'caen tototssia've tsonqquia'caen gi que'ima'qque tsa'caen giyaeña.

Mateo 26:65

Jesús tsa'caen susi joccapitssia Chigama afa'su na'su iyicca'yepa tsama canjaeñe in'jamba tisu ondiccu'jema chi'ttapa su: —¡Chigama tsu afase'je! ¿Micomba gi camba afasundeccuveyi ti'tsse ronda'je'fa? Tayo gi paña'fa tise Chigama afase'choma.

Mateo 9:3

Tsa'caen susi majan Chiga manda'choma atesiansundeccu tisu injama'choni asi'ttaen'fa: —Va a'ita tiseja Chiga qquen in'jamba tsu egae afa.

Lucas 3:8

Injama'choni egae tsincon'choma catiye qquen in'jamba tsu egae tsincombe'yi canse'faya'cho. Aqquia injanga “Tayopi'su Abraham ingi yayasi gi ccusha'faya” qquen su'fajama tisupa injama'choma ñoquiañe. Israendeccu'qque cca'indeccuma bove ñotssimbi tsu. Chigaja in'jan'da va patundundu'ye a'ive tsoñe osha Abraham dushundeccuve dapa cuintsu Tisema iñajan'faye.

Lucas 5:17

Fae a'ta Jesús a'ima atesian'jen'ni fariseo in'jan'chondeccu Chiga manda'choma atesiansundeccu'qque tisenga bo'fa. Nane poi Galilea ande'su canqquene, Judea ande'su canqquene'qque tsu ji'fa. Jerusaléne'qque jipa bopa paña'fa. Tsonsi Na'su Chiga Jesúsma quiñaensi a'ima ccushaen.

Lucas 5:22

Jesúsja tise'pa iñajampañacco'fa'choma in'jamba su: —¿Jongoesie qui injama'choni qquen asi'ttaemba iñajampañacco'fa?

Lucas 7:49

Qquen susi cca'indeccu fae'ngae Jesúsi'ccu ansundeccuja qquen condasecco'fa: —¿Majan gi qquen te tiseja in'jan, tsa'caen egae tsincon'choma joqquitssiañe'jan?

Juan 10:33

Israendeccuja su'fa: —Ñotsse tson'chone'da gi patui'ccu ttovaye tson'jen'fambi. Tsa'ma queja Chigane egae afasi gi quema ttovaye in'jan'fa. Queja aqquia a'ita ¿“Chigave gi da” qquen ti qui in'jan?

Romanos 8:33

Chiga tayo Tise in'jamba ttu'se'chondeccuja ño'a'fa qquen su'nijan ¿ma'caen tsu cca'ija ingima afase'faya?