Lucas 5:13 - Cofán: Chiga Tevaen'jen

¹³ Tsa'caen susi Jesús tisu tivei'ccu yasapa paji'suma pporaemba su: —In'jan gi ñajan. Giya'tsse qui ccusha. Tse'faei'ccuyi giya'tsse ccushasi

Lucas 5:13 Iomraidhean Croise

Génesis 1:3

Tsa'caen ñoñamba Chigaja su: “A'tatssia've daja.” Chiga tsa'caen su'ninda pa'cco a'tatssia've da.

Génesis 1:9

Tsonsi Chigaja su: “Na'en'su shave'pa fae'ttinga bosi san'ame attianjan.” Tsa'caen susi tsa'caen tsu da.

2 Reyes 5:10

Tsa'ma Eliseoja tisu sombombe'yi tisema shondo'suma moe cuintsu qquen condaye: “Japa Jordán na'enga siete se onjomba qui giya'tsse ccushaya que na congomba paqque'suma.”

2 Reyes 5:14

Pañamba Naamán japa Jordán na'enga siete se cu'no Chiga aya'fama afa'su suqquia'caen. Tsa'caen siete se onjomba sombosi tayo ccushapa tise najan ñoa'me cunamba dusunga ttonoa'cantsse da.

Mateo 8:3

Qquen susi Jesús tise tivema yasapa paji'suma pporaemba su: —In'jan gi ñajan. Giya'tsse qui ccusha. Tse'faei'ccuyi giya'tsse ccushasi

Lucas 4:39

Jesús catsepa ajema iyu'usi ajeja chattian. Tse'faei'ccuyi pushesuja quinsetsse ccushapa jangipa poiyi'ccoma cui'ña.

Lucas 5:12

Jesús fae canqqueni can'jen'ni na congomba paji'su tisenga ji. Nane pa'cco ai'vo tsa'caen dapa Jesúsma attepa andenga puntssan ccuipa iñajan: —Na'su, que in'jan'da qui ñama giya'tsse ccushaeñe osha.

Lucas 5:14

Jesús tisema manda: —Cca'indeccunga condajama. Tsa'ma japa Chigama afa'sunga tisuma canjaenjan. Moisés mandaqquia'caen ccusha'chone afeya'choma afeja cuintsu poiyi'cco a'i que ccusha'choma tsa'caen atesu'faye.