Lucas 4:43 - Cofán: Chiga Tevaen'jen

⁴³ Tsa'ma Jesúsja su: —Ñanda gi faesu canqqueni jaya'cho tseni'qque Chiga aindeccuve daya'chone condaseye. Tsa ñotsse condase'choma condaseye gi va andeni ji.

Lucas 4:43 Iomraidhean Croise

Mateo 4:23

Jesúsja pa'cco Galilea ande'ye jacan. Jacamba tseni'su Chiga Aya'fama atesian'jen'ttinga ca'nimba Chigambe aindeccuve daya'chone ñotsse condase'choma atesian'jen. Toya'caen aindeccu osha'cho paqque'sui'ccu paji'fasi Jesúsja tise'pama ccushaen.

Marcos 1:35

Tsomba a'taningae, toya sinttia'ni Jesús jangipa ccani ja, a'i menia, Chigama iñajañe.

Juan 20:21

Tsomba ccase Jesúsja inginga su: —¡Opatsse canse'faja! Ña Yaya ñama mandamoenqquia'caen gi ña'qque que'ima mandamoeña ñane condase'suve.

Juan 9:4

Toya a'ta a'ija sema'jen'fa. Cose'nijan majañi'qque semañe osha'fambi. Tsa'caen ja'ño ñajan toya oshapa gi ña Yaya manda'choma tsoña'cho.

Tson'fa'cho 10:38

Toya'caen qui paña'fa ma'caen Chiga Quitsaja Tise Qquendya'pai'ccu Jesús Nasareno'suma in'jaensi tiseja ñotsse tsoñe jacamba poiyi'cco cocoya na'su vanaen'jendeccuma ccushaen. Chiga tisei'ccu can'jensi Jesúsja tsa'caen tson.

2 Timoteoga 4:2

Chiga Aya'fama candusianjan. Nane que injama'choni in'jamba dyombi'tsse candusianjan. A'i pañañe in'jan'ninda, tsambi'ta pañañe in'jambi'ni'qque tsa'caen injama'choni in'jamba dyombi'tsse candusianjan. A'ima in'jaenjan cuintsu tise'pa'qque Jesucristove in'jamba tise'pa egae tsincon'choma catipa ño'ame da'faye. Toya'caen candusiamba fuiteja cuintsu ti'tsse in'jan'faye. Anttembe'yi vasuitsse atesianjan.