Lucas 4:4 - Cofán: Chiga Tevaen'jen

⁴ Jesúsja tisema su: —Chiga Tevaen'jenga qquen tsu tevaen: “A'ija aqquia panmeñi amba canse'faya'bi. Tsa'ma Chiga Aya'fa in'jaensi tsu canse'faya.”

Lucas 4:4 Iomraidhean Croise

Éxodo 23:25

Que Na'su Chigangayi iñajan'jen'faja. Tsa'caen iñajansi tsu que'i pan, toya'caen que'i tsa'ccuma'qque ñotsse tsoña. “Toya'caen paqque'suma'qque gi que'i'ye joqquitssiaña.

Mateo 4:4

Tsa'ma Jesúsja su: —Chiga Tevaen'jeni qquen tsu tevaen: “Aqquia'yi anqque'suma amba a'ija canse'faya'bi. Tsa'ma Chiga Aya'fa a'ima in'jaensi tsu canse'faya.”

Mateo 6:31

Tsa'cansi panshaen asi'ttaen'fajama qquen supa: “Aña'cho me'i'anda ¿ma'caen gi amba canse'faya?” “Cui'ccu me'i'anda ¿ma'caen gi cu'ipa canse'faya?” Toya'caen “¿Jongoesuma gi ondiccu'faya?”

Lucas 22:35

Tsomba Jesús poiyi'ccoma iñajampaña: —Ña que'ima bosa ni o'va ni sapatove'qque me'ccoe manda moe'ninda ¿jongoesu tsu shaca? Tise'paja su'fa: —Me'i, shaca'fambi.

Lucas 4:10

Nane Chiga Tevaen'jenga qquen tsu tevaen: Chigaja Tisema shondosundeccuma manda quema coiraye.

Lucas 4:3

Satanajan Jesúsma su: —Queja ñoa'me Chiga Dutssi'ye'ta mandaja cuintsu va patu panme dasi añe.

Lucas 4:8

Jesúsja pañamba su: —Satana, biani jaja. Chiga Tevaen'jenga qquen tsu tevaen: “Na'su Chiga Quitsaveyi iñajaña'cho. Tise'veyi shondocaña'cho.”

Efeso'su 6:17

Sundaro yoshava ontsianccuma ontsianqquia'caen que'i tayo ccushapa tsangae canseya'choma in'jan'faja. Sundaro tise matichi'ccu atuiccoqquia'caen Chiga Aya'fama isupa tsai'ccu candusian'faja. Ñoa'me tsu Chiga Qquendya'paja tsa Chiga Aya'fama que'inga afe.

Deuteronomio 8:3

Tsa'caen in'jamba tise'pama qquipoe'sian vanae'an'qque tsu omboe manáma o'fian. Nane que'i ni que'i tayopisundeccu'ye tsa manáma atesu'fambisi Na'su Chigaja tsama o'fian cuintsu que'i qquen in'jamba canse'faye: jo'su panmeñi amba canse'faya'bipa Chiga Aya'fa'qque in'jaensi tsu a'ija ñoa'me canse'faya.