Lucas 4:2 - Cofán: Chiga Tevaen'jen

² cuarenta a'ta can'jeñe. Tseni can'jensi cocoya na'su Satana tisema qqueñacañe ji. Jesús ambe'yi can'jemba ñoa'me qquipoe'susi

Lucas 4:2 Iomraidhean Croise

Génesis 3:15

Toya'caen queja pushesui'ccu chi'gaccopa iyicco'fasi tsu que dushundeccu'qque tise dushundeccui'ccu chi'gaccopa iyicco'faya. Nane tsambe du'shu tsu que tsove'ye tsui sapiaña. Tsa'ma queja tise tsutuccu'choma sinttuya.

1 Reyes 19:8

Tsa'caen susi Elíasja ccase jangipa amba cu'i. Tsa anqque'su tsu tisema quiñaen cuarenta a'ta, cuarenta cose'qque japa Horeb ccotta'cco, tsa Chiga Moisési'ccu condase'cho ccotta'cconga nepiya'ngae.

Éxodo 24:18

Tsonsi Moisésja tsa unjimba'cconga ca'nimba ccotta'cconga ansundepa cuarenta a'ta pa'cco cuarenta cose'qque tseni can'jen.

Éxodo 34:28

Tsa'caen susi Moisésja cuarenta a'ta pa'cco toya'caen cuarenta cose tseni ambitsse cu'imbitsse Na'su Chigai'ccu can'jen. Tseni tsu Na'su Chigaja patufin'dinga injancco'fa'chove manda'cho, tsa Diez Manda'choma tevaen.

Jonás 3:7

Tsomba omboe na'suja tisema shondosundeccui'ccu ñoñamba poiyi'cco tsa canqque'su aindeccunga qquen su'choma moe: “Majañi'qque jongoesuma an'fajama, ni que'i aiña'cho vaura, ovejanga'qque o'fiamba cui'ña'fajama.

Mateo 21:18

Ccaqui a'ta sinte'ye toequi Jerusaléni jayipa Jesúsja qquipoe'su.

Mateo 4:2

Tseni cuarenta a'ta cuarenta cose'qque ambe'yi can'jen. Ambe'yi can'jemba ñoa'me qquipoe'su.

Lucas 4:3

Satanajan Jesúsma su: —Queja ñoa'me Chiga Dutssi'ye'ta mandaja cuintsu va patu panme dasi añe.

Juan 4:6

Tse'tti tsu jin tayopi'su Jacobmbe tsa'ccu poso. Jesúsja biane jiñamba quimbipa ño'fa dyai poso utufani, tayo chiga tansinjinqquiaca'ni.

Hebreo'su 2:18

Nane Jesús a'ive dasi Satanajan tisema qqueña qquen tson'ma oshambi. Jesúsja tsa'caen vana'jemba patsupa cca'i tsa'caen vanasundeccuma'qque fuiteye osha.

Hebreo'su 4:15

Nane ingine Chigama afa'su tsu ingi qque'choma atesupa ingima mende'yeye osha. Tise'qque ingia'caen a'ive dapa can'jensi Satanajan tisema'qque qqueña qquen tson. Tsa'camba Jesúsja egae tsincon'choma patsu'a'qque tsu ingi qque'choma injan'jen.

1 Samuel 17:16

David tseni can'jeni tsu cuarenta a'tave filisteo Goliatja israendeccuma noñangiamba afaseye sombo'je. Nane sinte sime'qque sombopa noñangiamba afase.