Lucas 3:23 - Cofán: Chiga Tevaen'jen

²³ Jesúsja treinta canqque'fave napiamba a'ima atesiañe ashaen. Tiseja José dutssi'ye qquen tsu poiyi'cco a'i in'jan'fa. Joséja Elí dutssi'ye tsu.

Lucas 3:23 Iomraidhean Croise

Génesis 41:46

Joséja treinta canqque'fave an'bian'ni tsu tsa'caen tisema Egipto'su na'su faraónga anga'fa. Tsonsi Joséja faraónma chigambiamba pa'cco Egipto'su andenga jacañe ashaen.

2 Samuel 5:4

Davidja treinta canqque'fave an'biamba na'suve dapa cuarenta canqque'fave tsa'caen can'jen.

Mateo 1:1

Qquen tsu Jesucristo tayopi'su antiandeccu. Tiseja tayopi'su David omba'su dutssi'ye tsu. Tayopi'su Abram omba'su dutssi'ye tsu.

Mateo 1:16

Jacobja José quitsa tsu. José tsu Maríama pushe. Maríaja Jesús mama tsu. Jesúsja Cristo tsu.

Mateo 1:6

Isaíja na'su David quitsa tsu. Davidja Urías'ye pasi tsandupajen'choma pushepa Salomón quitsa tsu.

Mateo 13:55

Tiseja mesama sema'sumbe dutssi'ye tsu. Tise mama tsu María. Tise quinshingendeccu tsu Santiago, José, Simón, Judas'qque.

Mateo 4:17

Jesús tseni japa candusiañe ashaemba su: —Que'i egae tsincon'choma chi'ga'faja. Ca'tsa qui Chigama na'sian'cho a'ive daji'fa.

Marcos 6:3

Tiseja vani'su mesama sema'su tsu, María dutssi'ye. Tise quinshingendeccu, Santiago, José, Judas, Simón, toya'caen tise que'ttendeccu'qque vani ingi'ccu can'jen'fa. Tsa'caen supa Jesúsma iyicca'yepa paña'fambi.

Lucas 2:48

Tsa'caen tson'jen'ni Jesús chan, tise yaya'qque tisema attepa can'boen ccutsupa Jesús chanjan su: —Jaricho, ¿jongoesie qui ingima a'tu maña? Tsa'caen que a'tu mañasi ingija ñoa'me ñombi'yepa tta'ttá vana'jen'fa.

Lucas 3:31

Tsaja Melea dutssi'ye. Tsaja Mena dutssi'ye. Tsaja Matata dutssi'ye. Tsaja Natán dutssi'ye.

Lucas 4:22

Jesús ñotsse afa'je'choma poiyi'cco pañasundeccu tisene ñotsse afa'fa. Tsa'caen ñotsse afapa can'boemba su'fa: —¿Vaja José dutssi'yembi ti?

Juan 1:45

Tsonsi Felipe Natanaelma tta'tta'su japa attepa su: —Tayo gi atte'fa a'ima majan'ne Moisés tayopi tevaen manda'cho tevaen'jenga. Tisene tsu Chiga Aya'fama afasundeccu'qque tevaen'fa. Jesús tsu, Nasaret canqque'su, tsa José dutssi'ye.

Juan 6:42

Qquen tsu su'fa: —¿Vata ti Jesús? ¿José dutssi'yembi ti? Tise yayama, tise mamama gi atesu'fa. ¿Ma'caen tsu tiseja sefaccone ande'cho qquenjan su?

Tson'fa'cho 1:1

Ña Lucas gi tayo tevaen pa'cco Jesús tsomba atesian'choma.