Lucas 24:44 - Cofán: Chiga Tevaen'jen

⁴⁴ Tsomba Jesúsja tise'pama su: —Ña toya que'i'ccu can'jeinte gi ja'ño tsoña'chone conda'a. Nane Moisés manda'cho, Chiga Aya'fama afasundeccu tevaen'jen, settapoen'cho tevaen'jen'qque ñama tsoña'chone condase'fa. Tsa tayoe ña que'inga condase'choma tsu ja'ño tson'fa.

Lucas 24:44 Iomraidhean Croise

Génesis 14:18

Toya'caen Melquisedec tsa Salem canqque'su na'su'qque tisema cachuiye ji. Tiseja Sefacconi'su Joccapitssia Chigama afa'supa pan, vinoma'qque ipa

Génesis 22:18

Que omba'su dutssiyendeccu ñama ñotsse paña'ninda gi tise'pai'ccu poi ande'su aindeccuma ñotsse tsoña.’

Génesis 3:15

Toya'caen queja pushesui'ccu chi'gaccopa iyicco'fasi tsu que dushundeccu'qque tise dushundeccui'ccu chi'gaccopa iyicco'faya. Nane tsambe du'shu tsu que tsove'ye tsui sapiaña. Tsa'ma queja tise tsutuccu'choma sinttuya.

Génesis 49:10

Ni majañi'qque tsu Judá manda'je'choma itsaya'bi. Ni tise tiveni an'bian'cho coen quini'ccoma'qque itsa'faya'bi tsa quini'cco na'su jiya'ngae. Tsama tsu poi canqquesundeccu paña'faya.

Salmos 118:22

Tsaoñasundeccu in'jambipa joqquitssian'fa'cho patu tsu ñoa'me ti'tsse joccapitssia patuve da.

Isaías 52:13

Ñama shondo'suja ñotsse tsu tsoña. Tisema ti'tsse'tssia've tsonsi tsu ñoa'me joccapitssiya.

Isaías 7:14

Nane Na'suyi tsu canjaen'chove canjaeña. Chu'a pushesu tsu surie dapa tsandie du'shuve isuya. Du'shumbe iniseja Emanuelya (‘Chiga ingi'ccu can'jen’) tsu.

Isaías 9:6

Nane ingija du'shuma isu'fa. Chigaja tsandie du'shuma inginga afepa tisenga antte cuintsu ingima mandaye. Tisema inisiamba qquen afa'faya: Ñotsse Condasepa Injaen'su, Patsuye'masia Chiga, Tsangae Canse'su Yaya, Opatsse Cansian'su Na'su.

Jeremías 23:5

Na'su Chigaja tansintsse conda: “Jai'ngae gi antteya shoyo'choqquia'caen na'su David omba'su dutssi'ye na'suve dapa ñotsse in'jamba ñotssiaveyi tsomba tansintsse poi aindeccuma mandaye.

Jeremías 33:14

Na'su Chigaja tansintsse conda: “Ñoa'me su'choi'ccu Israel toya'caen Judá aindeccuma ñotsse tsoñe qquen su'chopa gi jai'ngae tsa'caen tsoña.

Daniel 2:44

Tsa'caen tsendeccu da'je'ni tsu sefacconi'su Chigaja minguite pasa'masia na'suma moesi jipa poiyi'cco nasundeccuma metsse sefaemba tsangae tise'yi na'suve daya.

Amós 9:11

“Tsa'o osui'choma ccase tsao'ñaqquia'caen gi ccase David'can na'suma ccutsiaña. Ttuccu asittaye'choma gi tayoa'caen ccase cuname ñoñamba ccutsiaña

Zacarías 12:10

“Toya'caen gi Jerusaléni can'jensundeccu, David omba'su dutssiyendeccunga'qque cuna qquendya'pama moeña cuintsu ñotsse in'jamba ñanga iñajan'faye. Tsa'caen tsonsi tsu tise'panga quiccuye'choma atte'faya. Tisema attepa tsu i'na'faya du'shu fae'ccoa pasi i'naqquia'caen. Nane aisheve isu'cho dutssi'ye pasi i'naqquia'caen tsu ñombi'yepa i'na'faya.”

Zacarías 13:7

Na'su Osha'choma Oshacho'choja qquen su: “¡Qquendyaja matichi, jangipa ña ovejama coira'suma fi'ttija! ¡Tsa ñama fuite'suma fi'ttija! Nane coira'suma fi'tti'ninda oveja tsu shequequin ja'faya. Toya'caen gi ccase jipa oveja dushundeccuma'qque fi'ttiya.

Zacarías 9:9

¡Ñoa'me avujatssi'faja Zión aindeccu! ¡Avujatsse settapoen'faja Jerusalén'su aindeccu! Que'i na'su tsu que'inga jiña; ñotsse mandapa ccushaen'su tsu. Tsa'ma patsumbe'yi tsu boro du'shunga dyaipa jiña. Nane boro pushe isu'chonga tsu dyaipa jiña.

Números 21:8

Iñajansi Na'su Chigaja qquen su: —Tsa'cantsse tsesu iyove cu'a yoshavama ñoñamba quini'cconga ottaemba se'fatsse dyaiñajan. Tsa'caen dyaiñasi majan iyo'nga sinttuyepa tsa ñoña'cho iyoma can'da tsu ccusha'je'faya.

Mateo 1:22

Qquen tsu Jesúsma isu'choja, Na'su Chiga tayopi suqquia'caen tsoñe. Nane Na'su Chigaja Tise Aya'fama afa'sui'ccu qquen tsu su:

Mateo 16:21

Tsequi a'ta ashaemba Jesúsja tisema shondosundeccunga jai'ngae tsoña'chone conda. Tiseja Jerusaléni japa osha'chove tsu vanaña. Israe'su coenzandeccu, Chigama afa'su nasundeccu, Chiga manda'choma atesiansundeccu'qque tisema indipa fi'ttiye afe'faya. Fi'ttisi tsu papa tres a'tagae ccase qquendyaya.

Mateo 26:54

Tsa'ma tsendeccu tsa'caen ejeca'ni'fa'nijan ¿ma'caen tsu Chiga Tevaen'jen suqquia'caen tson'faya? Voe tsoña'chone tayo tsu conda'a.

Mateo 26:56

Tsa'ma tayopi'su Chiga Aya'fama afasundeccu ñama fi'ttiya'chone tevaensi ja'ño tsu tsa'caen tsoña'cho ñoa'me su'cho qquen canjaeñe. Qquen su'je'ni poiyi'cco Jesúsma shondosundeccu tisuveyi tisema catipa ccuya'fa.

Lucas 21:22

Nane tsequi a'ta tsu Chigaja israendeccumbe injama'choma somboeña. Osha'cho Tise Aya'fa su'cho tsu napiya.

Lucas 22:37

Ñoa'me gi su: Va Chiga Tevaen'jen ñane su'choja ja'ño tsu napi: “Egae tsinconsundeccui'ccu tisema in'jan'fa.” Pa'cco ñane tevaen'cho tsu junde napiya'cho.

Lucas 24:46

Toya'caen tsu su: —Tayo tsu tevaen: Ccushaen'su Cristoja vanamba papa tres a'tangae ccase qquendyaya'cho.

Lucas 9:22

Qquen tsu su: —Sefaccone Ji'cho A'i gi osha'choi'ccu vanaña. Ingi ande'su coenzandeccu, Chigama afa'su nasundeccu, Chiga Aya'fama atesiansundeccu'qque ñama chi'ga'faya. Ñama fi'ttisi papa gi tres a'tangae ccase qquendyaya.

Lucas 9:44

—Va condase'choma ñotsse pañamba in'jan'faja: Ñajan Sefaccone Ji'cho A'i. Tsa'ma ñama indipa a'inga afe'faya cuintsu fi'tti'faye.

Juan 3:14

Moisés a'i menia can'jemba ñoña'cho iyoma jangianqquia'caen Sefaccone Ji'cho A'ima jangiaña'cho

Juan 5:39

Que'ija Chiga Tevaen'jema tsain'bitsse can'fa tsangae canseya'chove atesuye in'jamba. Nane tsa Chiga Tevaen'jen tsu ñane conda.

Juan 5:46

Que'ija Moisés su'chove in'jan'choecan'da qui ñame'qque in'jañe'can Moisésja ñane tevaensi.

Tson'fa'cho 13:33

ja'ñojan ingi tise'pa dutssiyendeccunga canjan'jen, Jesúsma pa'cho'ye ccase qquendyaemba. Tsane tsu qquen Salmo settapoen'cho tevaen'jen dosnga tevaen: “Que qui ña Dutssi'ye. Ja'ño gi atte.”

Tson'fa'cho 13:40

Injama'tse in'jan'faja tayopi'su Chiga Aya'fama afasundeccu qquen tevaen'cho que'inga dasa'ne:

Tson'fa'cho 2:27

Nane Queja, Chiga Quitsa, ña qquendya'pama catiya'bi qui pa'chondeccu can'jeni. Ni antteya'bi qui que in'jan'cho a'imbe ai'vo papa congoñe.

Tson'fa'cho 3:18

Tsa'ma Chiga tsu tsa'caen antte cuintsu Tise tayopi suqquia'caen tsa'caen tson'faye. Nane tayopi Tise Aya'fama afasundeccuja qquen su'fa: “Chiga in'jan'cho Cristota tsu vanaña'cho.”

Tson'fa'cho 7:37

Tsa Moisésyi tsu israendeccunga su: “Chiga Quitsaja ñama'caeñi faesu Chiga Aya'fa afa'suma que'inga moeñe tson'jen que'i antian'suveyi. Tsama paña'faja.”

Hebreo'su 10:1

Coe'je desi osha'cho aya attianqquia'caen Chiga manda'choja osha'cho Chiga jai'ngae ñotsse tsoña'chone aqquia a'inga attiaña'cho tsu. Tsa'ma aqquia attiansi a'ija Chiga ñotssiave toya isuye osha'fambi. Nane manda'cho mandaqquia'caen a'ija poi canqque'fa chivo, vaurama'qque afe'ñaccapa Chigama iñajan'fa. Tsa'caen afe'a'qque toya tsu iñajansundeccuja napi'fambi Chiga in'janqquia'caen daye.

Hebreo'su 3:5

Chiga mandasi Moisésja Chiga aindeccui'ccu can'jemba Chiga in'janqquia'caen tson. Chiga jai'ngae a'inga ñotsse condaseya'chone atesiamba canjaen. Tsa'camba tsu Moisésja ñotssia shondo'su.

Hebreo'su 7:1

Ñoa'me Jesúsja va ingi su'cho Melquisedec'can tsu. Melquisedec tayopi can'jemba Salém canqque'su na'su tsu. Tiseja aindeccune Joccapitssia Chiga Quitsanga afa'su tsu. Tayopi'su israe'su coenza Abraham'qque tsaite can'jemba faesu canqque'su nasundeccuma geraemba patsupa fitti'tti. Fitti'ttipa toequi jiñasi Melquisedec jipa tisema cachui. Cachuiccopa Melquisedecja Abrahamne Chigama afa cuintsu ñotsse tsoñe.

Hebreo'su 9:8

Tsa'cansi tsu aqquia a'ija ca'niñe osha'fambi. Chiga Qquendya'paja tsa'caen se'pipa ingima qquen canjaeñe in'jan: Chiganga catseya'cho cuarto toya ccutsu'nijan a'ija toya tsu tayopi mandaqquia'caen Chigama iñajaña'cho. Toya tsu Chigama tansintsse cachuiccoye osha'fambi.

1 Pedro 1:11

Nane Cristo Qquendya'pa tsu tayopi'su Chiga Aya'fama afasundeccuma in'jaen Cristo vana'jemba jai'ngae ti'tsse'tssia've daya'chone. Tsa'caen in'jaensi tsendeccuja Cristone afapa atesuye in'jan'fa: ¿Majan tsu tsa Cristoja? ¿Minga'ni tsu tiseja attiaña?

Canjaen'cho 19:10

Tsonsi gi puntssamba afa'sumbe tsutteccofanga ccarupa dyai tisema ñotsse afaye. Tsa'ma tiseja ñama su: —Tsa'caen tsonjama. Que, que faenga'su Jesúsma pañamba in'jan'chondeccu'qque Chigambe semasundeccu qui. Ña'qque quei'ccu fae'ngae Chigambe sema'su gi. Chiganga ccarupa ñotsse afaja. Nane poiyi'cco majan Jesúsve in'jamba tansintsse condase'ta ñoa'me Chigane afasundeccu tsu.