Lucas 22:61 - Cofán: Chiga Tevaen'jen

⁶¹ Se'yosi Na'su Jesúsja piyicamba Pedroma can'boen. Tsonsi Pedroja Na'su Jesús qquen su'choma in'jan: “Arapa gayo toya ja'ño a'ta se'yombi'te queja ñane tres se a'tieña.”

Lucas 22:61 Iomraidhean Croise

Oseas 11:8

Efraíndeccu: ¿Ma'caen gi quema catiya? Ju, que'i israendeccu: ¿Ma'caen gi quema antteya? ¿Osha ti gi Adma canqquema sefaenqquia'caen que'ima'qque sefaeñe? Nane ¿Osha ti gi Zeboimma tsonqquia'caen que'ima'qque tsoñe? ¡Me'in! Injama'cho tsosipie que'ima ñotsse in'jansi ña in'jan'choja ccaninga tsu.

Mateo 26:34

Tsa'ma Jesúsja su: —Ñoa'me gi su: Ja'ño cose toya arapa seyo'bi'te qui ñane tres se a'tieña.

Mateo 26:75

Se'yosi Pedroja Jesús su'choma in'jan: “Toya arapa seyo'jembi'te qui ñane tres se a'tieña.” Qquen su'choma in'jamba sombopa quia'me i'na.

Marcos 5:30

Tsa'ma Jesús'qque tisu ccushaen'choma atesupa piyicamba iñajampaña: —¿Majan tsu ña ondiccu'jema pporaen?

Lucas 10:41

Tsa'ma Na'su Jesús Martama su: —Marta, Marta, iyicca'yembe canjan. Panshaen qui asi'ttaemba osha'chove ñoñañe vase'je.

Lucas 22:34

Jesúsja su: —Pedro, ñoa'me gi quenga su: Arapa gayo toya ja'ño a'ta se'yombi'te queja ñane tres se a'tieña “Tisema atesumbi gi” qquen supa.

Lucas 22:60

Tsa'ma Pedroja su: —Tsandie, atesumbi gi que jongoe qquen su'choma. Tse'faei'ccuyi arapa gayoja se'yo.

Lucas 22:62

Tsa'caen in'jamba Pedroja sombopa quia'me i'na.

Lucas 7:13

Na'su Jesús tsandupajen'choma attepa mende'yepa su: —I'nambe canjan.

Lucas 7:19

Condasesi pañamba Juanjan tsendeccu'suma dosve ttu'sepa Na'su Jesúsni maña. Tsendeccu jipa Jesúsma su'fa: —Feti'su Juan tsu ingima mandamaña quema qquen iñajampañañe: “¿Que ti qui Cristo, jiya'cho qquen su'choja? Tsambi'ta ¿faesuve ti gi ronda'je'faya?”

Juan 13:38

Tsa'ma Jesúsja tisenga su: —¿Ñoa'me ti qui ñai'ccu fae'ngae paye dyojombi? Ñoa'me gi su, arapa gayo toya se'yombi'te tres se qui ñama atesumbi qquen a'tieña.

Tson'fa'cho 5:31

Chiga Quitsaja Jesúsma ti'tsse joccapitssia've tsomba Tisu tansinfanga ccutsian cuintsu na'suve daye. Toya'caen tsu Chigaja Jesúsveyi ccushaen'suve'qque tson cuintsu israendeccu'qque in'jan'da ccusha'faye. Nane tise'pa egae tsincon'choma antteye in'jamba Jesúsve in'jan'ninda tsu Chigaja tise'pa egae tsincon'choma joqquitssiaña.

Efeso'su 2:11

Ñotsse in'jan'faja que'i tayopi ma'caen canse'fa'choma. Que'ija israembindeqquiasi israendeccuja que'ima chi'gapa su'fa: “Que'ija chhiyitevaembi'choapa qui Chigama atesu'fambi.” Nane israendeccuja tise'pa ttonoma chhiyitevaemba tisupama su: “Ingija chhiyitevaen'chopa gi Chigama atesu'fa.”

Canjaen'cho 2:5

Ñotsse in'janjan que tayoe ñama in'jamba can'jen'choma. Tse'ttie biani amppiqquia'caen qui ja'ño ñama aqquia re'riccoe in'jan. Tsa'camba tisu egae tsincon'choma catipa tayo'su tson'choma ccase tsonjan. Que egae tsincon'choma catimbian'da gi queni jipa que tuñoma ccutsian'choma joqquitssiaña.