Lucas 22:11 - Cofán: Chiga Tevaen'jen

¹¹ tsa tsa'o na'sunga conda'faja: “Atesian'su Jesús tsu quema iñajampaña: ¿Mani tsu queni pasiasundeccu cuarto? Tseni gi ñajan ñama shondosundeccui'ccu Chiga panshaen'cho injienge'cho aña'choma aña.”

Lucas 22:11 Iomraidhean Croise

Mateo 21:3

Majan a'i que'i tson'jensi jongoesu qquen iñajampaña'nijan, “Na'su tsu vanga dyaipa japa ccase i afeya,” qquen su'faja.

Marcos 14:14

Mani ca'ni'da su'faja tsa'o na'suma: “Atesian'su tsu su: ¿Mani tsu que cuarto cuintsu tseni ñajan ñama shondosundeccui'ccu Chiga panshaen'cho injienge'cho aña'choma añe?”

Lucas 19:31

Majan a'i: “¿Jongoesie qui boro du'shuma ccupa'je?” qquen iñajampaña'ninda: “Na'su tisenga dyaipa jaye” qquen tsu suya'cho.

Lucas 19:34

Tsonsi su'fa: —Na'su tisenga dyaipa jaye.

Lucas 19:5

Jesúsja tse'ttinga napipa asuccocamba tisema attepa su: —Zaqueo, junde andeja. Ñanda gi ja'ño a'ta que tsaoni japa can'jeña.

Lucas 22:10

Jesúsja tise'pama su: —Que can'faja. Canqquenga ca'nimba qui a'i tsa'ccu tsoripama angaji'choma cachui'faya. Tisema omboemba ja'faja. Mani tise ca'ni'ninda que'i'qque ca'nimba

Lucas 22:12

Sefani'su ppappacco rande cuartoma tsu tiseja que'inga canjaeña. Tseni tsu osha'cho jin que'i sho'ccoemba ñoña'faya'cho ingi añe. Tseni japa ñoña'faja.

Juan 11:28

Tsomba Marta tise que'tte Maríama ttuse'su japa a'tutsse su: —Atesian'su tsu tayo jipa queve ttuse'je.

Canjaen'cho 3:20

Que canjan. A'i sombo'ttini ccutsupa tssai jeñaqquia'caen gi quema ttuse'je. Majan ñama paña'da sombo'ttima fettaqquia'caen tsu ñama in'jan. Tsanga gi ca'nimba fae'ngae anqquia'caen, ñajan tisei'ccu, tiseja ñai'ccu fae'ngae jincho'faya.