Lucas 21:1 - Cofán: Chiga Tevaen'jen

¹ Jesúsja ricondeccu tise'pa afe'cho corifin'dima Chiga etti'su corifin'dima ppiña'jen'chonga ppiñasi atte.

Lucas 21:1 Iomraidhean Croise

1 Reyes 14:26

osha'cho bare'cho Na'su Chiga ettini jincho'choma itsapa anga. Pa'tssima angapa toya'caen na'su Salomón corima ñoña'cho sundaro panshaen'jenqque'suma'qque anga.

2 Reyes 24:13

Tsa'caen Judá nasundeccuma indipa Nabucodonosorja Na'su Chiga suqquia'caen osha'cho na'su ettini jincho'choma toya'caen Na'su Chiga ettini bare'cho jincho'choma'qque itsapa anga. Toya'caen pa'cco Salomón tayopi Na'su Chiga ettinga corima ñoña'choma'qque ucca'shopa anga.

Mateo 27:6

Judas jasi Chigama afa'su nasundeccu ttova cati'cho corifin'dima taipa condasecco'fa: —Va corifin'di a'ima fi'ttiye afepoen'cho tsu. Tsa'caen anjampai'ccu dañonge'choma Chiga manda'cho tsu se'pi Chiga etti'su corifin'dima ppiña'jen'chonga ppiñañe.

Lucas 20:47

Tise'pa coiraye qquen afopoemba tsandupajen'chondeccu an'bian'choma cca'namba itsa'fa. Tsa'caen cca'namba bia'ave Chigama iñajan'fa ño'a qquen attiañe. Tsendeccuma tsu Chigaja ti'tsse tise'pa injama'choma somboeña.

Juan 8:20

Jesúsja Chiga ettini can'jemba, Chiganga afe'je'cho corifin'dima ppiña'jen'cho jin'ttinga atesian'jemba tsu tsa'caen su. Tsa'ma majañi'qque tisema indi'fambi toya tisema indiya'cho napimbisi.

Josué 6:19

Nane pa'cco cori, totoacori, toya'caen cu'a yoshavama ñoña'cho, faesu yoshavama ñoña'cho'qque Na'su Chigambesi tsu tise'be boña'jen'chonga boñamba an'biaña'cho.”

Josué 6:24

Rahabpama somboemba pa'cco canqquema oque cati'fa. Nane pa'cco canqqueni osha'cho jincho'choma'qque oque cati'fa. Tsa'ma pa'cco cori, totoacori, cu'a yoshavama ñoña'cho toya'caen faesu yoshavama ñoña'choma'qque Na'su Chigambe boña'jen'chonga boñamba an'bian'fa.