Lucas 20:14 - Cofán: Chiga Tevaen'jen

¹⁴ Tsa'ma coirasundeccuja na'sumbe dutssi'yema attepa tisupaporai'ccu qquen condasecco'fa: “Vaja jai'ngae osha'choma isupa na'suve daya'cho. Jinge tisema fi'ttipa o'fa tsajaccuma tisumbe isu'faye.”

Lucas 20:14 Iomraidhean Croise

Salmos 2:8

Yaya tise dutssi'yenga afeqquia'caen ñama iñajanjan cuintsu poi ande'su aindeccuma ña quenga afeye. Nane poi biani'su andema'qque iñajanjan queyi an'biañe.

Salmos 89:27

Tsa'caen susi gi dutssi'ye coenzanga antte'choma tisenga antteya cuintsu tiseja poi ande'su nasundeccuma ti'tsse'tsse daya.

Mateo 16:7

Jesús qquen susi tisema shondosundeccuja asi'ttaemba afacco'fa: —¡Panma i'fambisi tsu ya'caen su!

Mateo 21:25

¿Juan feti'chota sefacconi'su Chiga mandasi feti'cho ti? Tsambi'ta ¿a'i mandasi feti'cho ti? Pañamba tisupanaccu condasecco'fa: —Ingija “Sefacconi'su Chiga mandasi feti'cho tsu” qquen su'ninda tise tsu suya: “¿Micomba qui Juanma pañamba in'jan'fambi?”

Mateo 21:34

Ovaite napijisi ande na'su tisema shondosundeccuma manda moen toequi cuintsu semasundeccuni japa na'sumbe enttingeve isu'faye.

Lucas 19:47

Jesúsja poi a'ta Chiga ettini can'jemba atesian'jen. Chigama afa'su nasundeccu, Chiga Tevaen'jema atesu'chondeccu, joccapitssia israendeccu'qque ttatta'fa ma'caen Jesúsma fi'ttiya'chove.

Lucas 20:13

Tsonsi o'fa tsajaccumbe na'suja su: “¿Ma'caen gi tsoña? Ña in'jan'cho dutssi'yema gi moeña. Tisemanda tsu paña'faya.”

Lucas 20:15

Tsa'caen supa tisema joqquitssiamba fi'tti'fa. Tsa'caen tson'fa'ninda ¿ma'caen tsu na'suja ega coirasundeccuma tsoña?

Lucas 20:19

Chiga Tevaen'jema atesu'chondeccu, Chigama afa'su nasundeccu'qque tse'faei'ccuyi Jesúsma indiye in'jan'ma antte'fa aindeccuma dyojopa. Nane nasundeccuja pañamba in'jan'fa tise'pane Jesús va condase'pama tsa'caen condase.

Lucas 20:5

Tsa'caen susi aindeccuja tisupaporai'ccu qquen condase'cco'fa: —Ingi “Sefacconi'su Chiga mandasi feti'cho tsu” qquen su'ninda tsu tiseja suya: “Tsa'camanda ¿micomba qui Juanma pañamba in'jan'fambi?”

Lucas 22:2

Chigama afa'su nasundeccu, Chiga Tevaen'jema atesu'chondeccu'qque Jesúsma fi'ttive in'jamba tta'tta'fa ma'caen a'tutsse fi'ttiya'chove. A'i bo'fa'choma dyopa tise'pama qquejeccoeñe in'jan'fambi.

Tson'fa'cho 2:23

Chigaja tayoe pa'tssima atesupa ñotsse in'jan'ma Jesúsma que'inga moen cuintsu que'i ma'caen tsoñe in'jan'da tsa'caen tisema tson'faye. Tsa'caen moensi que'ija tisema fi'tti'fa. Nane indipa egandeqquianga afesi avuja'cconga otipa fi'tti'fa.

Tson'fa'cho 3:15

Tsomba qui Cansian'su Na'suma fi'tti'fa. Tsa'ma Chiga Quitsaja pa'cho'ye tisema ccase qquendyaen. Tsama attepa condasundeccu gi.

Romanos 8:17

Ingija Chiga dushundeccupa gi Tise dutssi'yenga afe'choma isu'faya. Fae'ngae gi Jesucristoi'ccu isu'faya. Nane fae'ngae Tise Dutssi'ye Jesucristoi'ccu ja'ño vana'jen'da gi tisei'ccu Chiga osha'cho ñotssiama isu'faya.

Hebreo'su 1:2

Chigaja tayopi tsendeccui'ccu condasepa ja'ñojan Tise Dutssi'yema moen cuintsu inginga condaseye. Tseyi me'ttia'ye Chigaja Dutssi'yema oshaensi tsu osha'cho andeni, sefacconi jinqque'suve agattoen. Toya'caen Chigaja pa'cco agattoen'choma Dutssi'yenga afesi tise tsu pa'ccone na'su.