Lucas 2:10 - Cofán: Chiga Tevaen'jen

¹⁰ Tsa'ma Chigama sefacconi'su shondo'suja su: —Dyo'fajama. Ñotsse condase'choma condaye gi ji. Poiyi'cco a'i tsu vama pañamba avujatssi'faya.

Lucas 2:10 Iomraidhean Croise

Génesis 12:3

Majan quema in'jamba ñotsse afa'ninda gi tise'pama ñotsse tsoña. Tsa'ma majan quema afase'ninda gi tise'pama egae tsoña. Nane quei'ccu tsu poi ande'su aindeccuja Ña ñotssiama isu'faya.”

Isaías 40:9

Que, Ziónga ñotsse conda'su, ccotta'cco sefa'tssianga ansundepa quian'me fundopa va ñotsse condase'choma condaja. Nane dyombi'tsse Jerusalénga condapa poi Judá'su canqquenga'qque quian'me qquen condaja: “¡Va'tti tsu que'i Chigaja!”

Isaías 52:10

Poi ande'su aindeccu caña'jen'ni Na'su tise oshacho'choma canjaensi tsu poi andesundeccu ingi Chiga ingima ccushaen qquen in'jan'faya.

Isaías 52:7

Ñocca'tsse tsu attian ñotsse condase'choma ipa ccotta'cco'ye buttopa jiña'su. Nane opatsse canseya'cho aya'fama tsu i. Na'su Chiga ingima ccushaen'chone condasepa tsu Ziónga conda: “¡Que Chigaja Na'su tsu!”

Isaías 61:1

Na'suja tisumbeve ñama ttu'sesi tise Qquendya'pa tsu ñama in'jaemba manda va ñotsse condase'choma va'chandeccunga candusiañe. Ñama manda injama'choni ñombi'yesundeccuma ccushaeñe. Ñama manda indiye'chondeccunga tise'pama ccupaya'chone condaye. Nane picco'je'ttima fettasi jaya'chone gi condaseya.

Zacarías 9:9

¡Ñoa'me avujatssi'faja Zión aindeccu! ¡Avujatsse settapoen'faja Jerusalén'su aindeccu! Que'i na'su tsu que'inga jiña; ñotsse mandapa ccushaen'su tsu. Tsa'ma patsumbe'yi tsu boro du'shunga dyaipa jiña. Nane boro pushe isu'chonga tsu dyaipa jiña.

Mateo 14:27

Tsa'ma Jesús tise'pama afapa su: —Dyombe can'faja. Ña gi.

Mateo 28:18

Tsonsi Jesús tise'panga catsepa su: —Chiga Quitsa tsu ñanga antte pa'cco Chiga sefacconima, pa'cco andenima'qque mandaye.

Mateo 28:5

Tsomba pushesundeccu catsesi Chigama sefacconi'su shondo'suja tise'pama su: —Dyombe can'faja. In'jan gi que'ija avuja'cconga fi'tti'fa'cho Jesúsve qui ttattacan'fa.

Marcos 1:15

Jesúsja su: —Tayo tsu napiji. Ti'tssecan tsu napiya Chiga aindeccuve daya'choe. Que'i in'janga canse'choma catipa ño'ame daye in'jan'faja. Tsa'caen in'jamba va ccushaya'chone ñotsse condase'choma in'jan'faja.

Marcos 16:15

Tsomba su: —Poi andenga japa va ccushaya'chone ñotsse condase'choma poiyi'cco a'inga candusian'faja.

Lucas 1:13

Tsa'ma Chigama sefacconi'su shondo'suja tisema su: —Dyojama Zacarías. Tayo tsu Chiga Quitsaja que iñajan'choma paña. Que pushe Elisabetja tsandie du'shuve tsu isuya. Tisema qui inisian'faya Juanme.

Lucas 1:19

Tsa'caen iñajampañasi Chigama sefacconi'su shondo'suja su: —Ña gi Gabriel. Ña gi Chiga can'jeni ccutsu'cho. Tiseja ñama moen va ñotsse condase'choma quenga condaseye.

Lucas 1:30

Tsa'caen dyosi Chigama sefacconi'su shondo'suja ti'tsse condase: —Dyombe canjan, María. Chigaja ñoa'me quema ñotsse in'jan.

Lucas 2:11

Ja'ño a'ta tsu David canqqueni que'ima ccushaen'suve isu. Tsaja Na'su Cristo tsu.

Lucas 24:47

Toya'caen tsu tevaen: Jerusaléne ashaemba tsu Cristone ñotsse condase'choma poi ande'su aindeccunga condaseya'cho cuintsu paña'faye. Pañamba tise'pa egae tsincon'choma chi'gapa Cristove in'jan'ninda tiseja a'i egae tsincon'choma joqquitssiaña.

Lucas 8:1

Can'jenccapa Jesúsja faesu canqqueni, faesu a'i can'jen'ttinga japa ma'caen Chiga aindeccuve dapa canseya'chone condasepa candusian'jen. Tisema doce shondosundeccu'qque fae'ngae jacan'fa.

Tson'fa'cho 13:32

Ingija va ñotsse condase'choma que'inga condase'fa. Nane Chiga Quitsa tayopi'su coenzandeccunga ma'caen su'choma tsu

Romanos 10:15

Toya'caen ¿ma'caen tsu afa'suja jipa condaseya majan tisema moembian'da? Nane Chiga Aya'faja qquen tsu su: Chiga Aya'fama afasundeccu tsui jiñasi ñoa'me gi avujatssi'fa. Nane opatsse canseya'chove ñotsse condase'choma tsu condase'fa.

Efeso'su 3:8

Ñajan poiyi'cco Jesúsve in'jan'chondeccuma utu'ccoa. Cristo an'biamba inginga afeya'choja ñoa'me ti'tsse'tssiasi gi in'jañe osha'fambi injama'cho shacasi. Tsa'ma ñajan utu'ccoasi Chigaja ñama in'jamba antte cuintsu ñajan israembindeqquianga va joccapitssia Jesucristone condase'choma candusiañe.

Colosa'su 1:23

Tsa'ma que'ija anttembe'yi Cristove in'jaña'cho. Ta'etssia injama'choi'ccu ccaningae in'jambe'yi que'i Cristove in'jan'choma catimbe'yi in'jan'faya'cho. Nane Chiga ñotsse condase'choma gi poiyi'cco a'inga candusiansi que'i'qque pañamba in'jan'fa. Chiga ñama ttu'sesi ña Pablo gi va ñotsse condase'choma candusian'su.