Lucas 18:1 - Cofán: Chiga Tevaen'jen

¹ Zutsse Chigama iñajaña'chove tisema shondosundeccunga atesiañe in'jamba condase'choi'ccu Jesúsja condase. Nane a'ija anttembe'yi tsu Chigama iñajaña'cho tise'pa iñajan'choma isuya'ngae.

Lucas 18:1 Iomraidhean Croise

Isaías 40:31

Tsa'ma majan Na'suve in'jan'da shacaya'bi tsu cuna quin'sui'ccu canseye. Nane pindo sefani chhajeqquia'caen tsu patsu'faya. Quimbimbe'yi buttoqquia'caen tsu canse'faya. Quin'sui'ccu tsu quimbimbe'yi tsui jacan'faya.

Jeremías 29:12

Tsequi a'ta ñama iñajamba ñanga catsepa afa'fasi gi que'ima pañaña.

Jonás 2:7

Ñoa'me paye tson'jen qquen in'jamba gi quema in'jan ña Na'su. Ña quema iñajan'choma qui que can'jene paña.

Lucas 11:10

Nane poiyi'cco majan iñajan'da tsu isu'faya. Poiyi'cco majan tta'tta'ta tsu atte'faya. Poiyi'cco majan tssai jeña'da na'su fettasi tsu ca'ni'faya.

Lucas 21:36

Tsa'ma que'ija camba ronda'jepa ñama iñajan'jen'faja. Tsayita qui osha'cho va vanaña'cho su'choma vanambe'yi ccushapa Sefaccone Ji'cho A'inga ccutsu'faya.

Romanos 12:12

Chigaja osha'cho ñotssiama que'inga tsoña qquen in'jamba avujatsse canse'faja. Vana'je'an'qque opatsse canse'faja. Anttembeyi Chigama iñajan'faja.

2 Corinto'su 4:1

Chigaja ingima mende'yepa ñotsse tson. Ñotsse tsomba ingima ttu'se cca'indeccunga condaseye. Tsa'caen ttu'sesi gi dyombi'tsse anttembe'yi condase'fa.

Galacia'su 6:9

Quimbi'fajama ñotsse tsoña'choma. Ni ñoquimbi'fajama. Nane jai'ngae gi taiqquia'caen ñotsse isu'faya.

Efeso'su 6:18

Tsa'caen Chiga Qquendya'pa que'ima in'jaen'nijan ánttembe'yi Chigama iñajan'faja. Ñotsse in'jamba quia'me iñajan'faja. Ñoquimbimbe'yi ñotsse injan'jemba poi Cristove in'jan'chondeccune Chigama iñajan'faja.

Filipo'su 4:6

Tsa'camba panshaen asi'ttaemba dyojo'fajama. Tsa'ma osha'cho que'i asi'ttaemba in'jan'choma Chiganga conda'faja. Chigama iñajan'jemba Tiseja tayo que in'janqquia'caen tson qquen in'jamba “Chigatsuafepoenján” qquen afa'faja.

Colosa'su 4:12

Epafrasja, que'ini'supa que'ima chigambiañe in'jan. Tise'qque Jesúsne sema'su tsu. Chigama iñajamba ñoa'me aqque'pambe que'ine iñajan'jen cuintsu que'i Chiga in'jan'choma ñoa'me in'jamba tsa'caen tson'faye.

Colosa'su 4:2

Anttembe'yi Chigama iñajamba canse'faja. Anambiqquia'caen injama'chone Chigama ñotsse afapa iñajan'faja.

1 Tesalónica'su 5:17

Chigama iñajan'jen'choma antte'fajama.

1 Samuel 1:12

Tsa'caen Ana bia'ave Na'suma iñajan'jensi Chigama afa'su Elíja aya'fa oya'je'choma atte.