Lucas 16:19 - Cofán: Chiga Tevaen'jen

¹⁹ Ricoja can'jen. Ñotssia tototssia sarupama ondiccupa na'su cu'a omba'su ondiccu'jema ondiccucho. Poi a'ta tiseja osha'cho ñotssiama an'jen.

Lucas 16:19 Iomraidhean Croise

Marcos 15:17

Tsa'caen bopa Jesús opipa'chonga cu'a sarupai'ccu oppoen'fa. Toya'caen boicco nojama'qque otifaccuve ugapa tisenga otifaen'fa.

Marcos 15:20

Tsa'caen co'fe nanimba cu'a sarupama oshichhaemba ñoa'me tise ondiccu'jema ondiqquian'fa. Tsa'caen ondiqquiamba avuja'cconga otiye somboen'fa.

Lucas 15:13

Tise yayai'ccu can'jenccambeyi tsu chu'aja pa'cco tise isu'choi'ccu biani'su andenga ja. Tseni can'jemba in'jangae cansepa tisu an'bian'choma injanga catiti.

Lucas 16:1

Toya'caen Jesúsja tisema shondosundeccuma su: —Ricoja can'jen. Tsambe shondo'suja tise an'bian'choma coira'je. Tsa'ma shondo'su osha'choma ñotsse coirambisi cca'indeccuja na'sunga conda'fa.

Lucas 16:18

Poiyi'cco majan tise pushema catipa faesu pushesuma pushe'ta ñoa'me tsu egae tsincomba canse. Toya'caen tsa'caen tise pushema catisi majan tsa pushesuma pushe'ta tsa'qque egae tsincomba canse.

Lucas 16:20

Tsa'ma tise'pa sombo'tti jin'tti tsu va'cha a'ija pa'cco ai'vo ccopi'pa ccui. Tiseja Lázaro qquen inise'chocho.

Canjaen'cho 17:4

Tsa pushesuja ñoncca'a na'su inzia, cu'a sarupama ondiccupa, cori andupama an'du. Toya'caen cori sasiyoma, osha'cho ñotsse bare'cho patu jinchoma, tototssia chhariccotssia moyoma'qque an'du. Tise tivenijan cori tasama an'bian. Tsa tasani tsu osha'cho egae jincho'cho jin. Afambipa egae tsincon'cho'qque tsu tsani jin. Nane tiseja ñoa'me in'jangae canse'pa tsa'caen tasani an'bian.

Canjaen'cho 18:16

I'namba tsu fundondo'e afa'faya: ¡Ay, va'cha tsu tsa ti'tsse'tssia canqque! Ñotssia pushesia'caen tototssia sarupama ondiccupa, na'su inzia, cu'ai'ccu opoemba, cori, bare'cho patu, totoa moyoi'ccu veyaratssia've tsu chanjun'jen.

Canjaen'cho 18:7

Tisuja ñotssia qquen panshaen in'jamba injanga cansesi tsu Chigaja ccane'qque tise'pama iñetsse vanaeña. Tisu injama'choni Babiloniaja su: “Ña gi na'su pushesu. Na'su dyaipa'chonga dyaipa gi manda. Tsandupajen'chombi gi. Minguite'qque ñombi'yepa i'naña'bi gi.”