Lucas 15:18 - Cofán: Chiga Tevaen'jen

¹⁸ Ja'ño gi ña yayani jaya. Napi'ta gi tisema suya: ‘Yaya, ñajan egae tsincomba gi Chigama egae tsomba quema'qque egae tson.

Lucas 15:18 Iomraidhean Croise

Daniel 4:26

Tsa setsa'cho toya'caen setsa'fama toe'ttinga antteye manda'cho tsu canjaen Que Ti'tsse'tssia ccase jai'ngae Chiga ma'caen oshacho'choma atesupa na'suve daya'choma.

Jonás 2:4

Tse'i gi in'jan tisu que'ye joqquitssi'choma. Toya'caen ccatsse que in'jan'cho ettima atteya'bi qquen gi in'jan.

Jonás 3:9

Isha tsu tsa'caen tson'ninda Chigaja tisu iyicca'ye'choma vuiquipa ingima fi'ttimbe antteya.”

Mateo 3:6

Bopa Juan candusian'choma pañamba tise'pa egae tsincon'choma chi'gapa tsane conda'fa. Conda'fasi Juanjan tise'pama feti Jordán na'enga.

Mateo 6:14

Nane cca'indeccu que'ima egae tsinconsi tsa'caen egama aqque'papa ñoquia'ninda Chiga que'i sefacconi'su Quitsa'qque que'i egae tsincon'choma joqquitssiaña.

Mateo 6:9

Tsa'cansi tsu qquen Chigama iñajaña'cho: Sefacconi Canjen'su Na'su, ingi Quitsa, Que qui ñoa'me joccapitssia. Que inise tsu egave metssipa ti'tsse'tssia.

Mateo 7:11

Me'i. Que'ija tsa'caen ño'ambi. Tsa'ma tisu dushundeccunga ñotssiama afeye qui atesu'fa. Tsa'caen tson'fasi ñoa'me tsu que'i Sefacconi'su Na'su Chiga Quitsaja bove ñotssiama afeya. Nane majan Tisema iñajansi tsanga tsu ñotsse afeya.

Lucas 11:2

Tsonsi Jesúsja tise'pama su: —Que'ija Chigama iñajañe in'jan'da qquen su'faja: Sefacconi Canjen'su Na'su, ingi Quitsa, que qui ñoa'me joccapitssia. Que inise tsu egave metssipa ti'tsse'tssia. Queyi Na'suve dapa poima mandaja. Que in'janqquia'caeñi pa'cco tsu jinchoja. Que sefacconi mandaqquia'caen va andeni'qque mandaja.

Lucas 15:17

Tsonsi chu'aja injama'choni tisuma in'jamba su: “Poiyi'cco ña yayambe semasundeccuja ttepupa tsu can'jen'fa. Nane an antteye'choma'qque aqquia cati'je'fa. Tsa'ma ñajan vani ti'tsse can'jen'da qquipoe'supa paya.

Lucas 15:19

Barembi gi que “Ña dutssi'ye” qquen ñama afaye. Ñama mendeye'ta quembe sema'sia'caen ñama an'bianjan.’ ”

Lucas 15:21

Tsonsi dutssi'yeja su: “Yaya, ñajan egae tsincomba gi Chigama egae tsomba quema'qque egae tson. Barembi gi que ‘Ña dutssi'ye’ qquen ñama afaye...”

Lucas 18:13

Tsa'ma impuestoma isu'suja ccani catsembe'yi ccutsu. Tsa'caen ccutsupa puntssamba sefanima cambe'yi tivei'ccu tise utu'choma tssaipa su: “¡Chiga Quitsa, ña gi egae tsincon'su! Ñama mende'yeja.”