Lucas 13:7 - Cofán: Chiga Tevaen'jen

⁷ Tsomba ovaccuma coira'sunga su: “Tres canqque'fave gi jipa name tta'tta'ma attembi. Ttuttu catija. Ño'a andenga najema'can qui aqquia aten'jeña.”

Lucas 13:7 Iomraidhean Croise

Éxodo 32:10

Ja'ño ñama antteja ña iyicca'ye'choi'ccu metsse tsendeccuma sefaeñe. Tsa'ma que'i'ccu gi tsain'bitssi a'ive atapoeña.

Daniel 4:14

Tsata tsu quian'me fundopa qquen afa'je: Va quini'jima ttuttupa ttembama'qque cha'ttufaja. Tise najema joqquitssiamba name'qque shequian cati'faja cuintsu osha'cho aiña'cho tsambe tumbianccuni ccuisundeccu ccuyayain ja'faye. Toya'caen tise ttembani canjen'cho chhiriria'qque cuintsu ccuya'faye.

Mateo 7:19

Majan quini'jin ñotsse nambian'da a'ija tsama ttuttupa si'tsipa oque'fa.

Lucas 13:8

Tsa'ma coira'suja su: “Na'su, cuintsu ttuttumbe'yi va canqque'fama ronda'jeja. Ñajan va quini'cco setsa'cho'su andema vuviamba vaura ccopai'ccu echhochhoeña.

Lucas 3:9

Nane quini'cco ñotsse nambisi a'ija tsama ttuttupa si'tsive oque'faya. Tsa'caen tsu Chigaja ttuttupoeñe ovacco'choma tsuiñaqquia'caen tayo ñoña que'i injama'choma somboeñe.

Juan 15:2

Majan ttemba ñotsse nambisi Tiseja tsama chattupa cati. Majan ttemba ñotsse na'ninda tsa'su ttembama enttingeve chattu cuintsu chharasi'ccopa ti'tsse nañe.

Juan 15:6

Majan ñai'ccu jinchoye in'jambian'da ttembama chattu catiqquia'caen gi tisemajan catiya. Tsa'caen catiyepa sambasi si'tsipa si'ngenga oque'faya.