Lucas 13:16 - Cofán: Chiga Tevaen'jen

¹⁶ Tsa'candeqquia'ta ¿ma'caen qui cocoya na'su Satana va pushesuma diez y ocho canqque'fave noñangiansi sema'ma'qquia a'ta ña ccupaqquia'caen ccushaen'ninda se'pi'fa? Nane tise'qque tayopi'su Abraham aindeccumbe onque'nge tsu.

Lucas 13:16 Iomraidhean Croise

Mateo 4:10

Tsa'ma Jesús tisema su: —Satana, ña'ñe biani jaja. Chiga Tevaen'jenga qquen tsu tevaen: “Na'su Chiga Quitsaveyi iñajaña'cho. Tise'veyi shondocaña'cho.”

Marcos 2:27

Toya'caen tsu Jesúsja su: —Sema'ma'qquia a'taveja a'ima fuiteye tsu antte. Tsa'ma tsa a'tama Chigaja anttembi a'i panshaen se'piye.

Lucas 16:24

quia'me fundo: “¡Yaya Abraham, ñama mende'yeja! Lázaroma mandaja cuintsu tise tsimian'ccoma tsa'ccunga tssipoemba ña menzanza'fama pporaen'giye. Ñoa'me gi vana'jen va si'nge anchanda'je'chonga.”

Lucas 19:9

Tsonsi Jesúsja su: —Zaqueo'qque Abraham dutssi'yepa tisia'caen ñame in'jan. Tsa'cansi ja'ño a'ta tsu va tsa'o'su aindeccuja ccusha'fa.

Lucas 3:8

Injama'choni egae tsincon'choma catiye qquen in'jamba tsu egae tsincombe'yi canse'faya'cho. Aqquia injanga “Tayopi'su Abraham ingi yayasi gi ccusha'faya” qquen su'fajama tisupa injama'choma ñoquiañe. Israendeccu'qque cca'indeccuma bove ñotssimbi tsu. Chigaja in'jan'da va patundundu'ye a'ive tsoñe osha Abraham dushundeccuve dapa cuintsu Tisema iñajan'faye.

Juan 8:44

Cocoya na'su tsu que'i yayaja. Que'ija tise'be qui. Tsa'camba qui tise in'jan'choma tsoñe in'jan'fa. Tseyi andema agattointe ja'ño pan cocoya na'suja a'ima fi'ttiye can'jen. Minga'ni'qque tiseja tansintsse su'choma afambi. Nane tiseja tansintsse afaye jinchombi. Aqquia afopoemba tisu in'jan'choma tsu afa. Tiseja afopa'chopa ñoa'me afopoen'su na'su tsu.

Tson'fa'cho 13:26

Antiandeccu, Abraham dutssiyendeccu, poiyi'cco que'i majan Chigave in'jamba Tisema dyoe'sui'ccu can'jendeccu'qque, paña'faja va que'ima ccushaeña'chone condase'choma.

2 Timoteoga 2:26

ñotsse tsu injienge'faya. Tsa'caen injiengepa tsu cocoya na'su qqueña'cho'ye ccusha'faya. Nane ja'ño tsendeccuja toya cocoya na'suma pañamba tise in'jan'chove tsu tson'jen'fa.