Lucas 11:54 - Cofán: Chiga Tevaen'jen

⁵⁴ Ron'da'fa Jesús ccaningae su'chove su'ninda pañamba tise injama'choma somboeñe.

Lucas 11:54 Iomraidhean Croise

2 Reyes 5:7

Tsa'ma Israel na'su Acabja tsa tevaen'jema camba tisu ñombi'yepa iyicca'ye'choma canjaeñe in'jamba tisu na'su ondiccu'jema indipa chi'tta. Chittapa su: —¿Ñanda ti gi Chiga, a'ima qquendyaeñe toya'caen fi'ttiye oshaye'ta cuintsu Siria'su na'su na congomba paqque'sui'ccu dañonge'choma ña ccushaeñe moeñe'da? Aqquia tsu ñai'ccu iyiccoye in'jamba qquen tsincon.

Mateo 22:15

Jesús qquen atesiansi fariseondeccu pañamba japa tisupanaccui'ccu condasecco'fa. Condaseccopa tta'tta'fa ma'caen aya'fa su'choi'ccu Jesúsma qqueñamba shacapave atteye.

Mateo 22:18

Tsa'caen Jesúsma qqueñañe iñajampañasi Jesúsja tise'pa egae in'jan'choma in'jamba qquen tise'pama su: —Que'ija ño'ame attianqquia'caen afopoensundeccu qui. ¿Jongoesie qui ñama qqueñañe in'jamba ya'caenjan iñajampaña'fa?

Mateo 22:35

Bopa fa'eja Chiga Aya'fama atesian'supa Jesúsnga ji. Jipa aya'fai'ccu Jesúsma qqueñañe in'jamba iñajampaña:

Marcos 12:13

Tsomba tse'i Jesúsnga manda moen'fa majan fariseondeccuma, majan na'su Herodes aindeccuma'qque cuintsu japa Jesúsma iñajampañamba qqueña'faye. Nane qqueñañe in'jan'fa tise shacama atteye.

Marcos 3:2

Cca'indeccuja ron'da dyai'fa Jesús sema'ma'qquia a'ta ccushaen'ninda “Queja egae tsincon” qquen suye.

Lucas 11:53

Jesús tsene sombojisi Chiga Aya'fama atesiansundeccu, fariseondeccu'qque iyicca'yepa Jesúsma noñangiamba zutsse iñajansepoen'fa cuintsu Jesús osha'chone afapa qqueye.

Lucas 20:20

Tsa'caen indiye oshambipa a'tutsse tisema can'boen'fa. Toya'caen cca'indeccuma moen'fa Jesúsma shondosundeqquia'caen attian'faye. Tsendeccuja Jesúsma can'boemba tise jongoesu qquen su'choma ttatta'fa tisema afopoemba indipa governaroronga afeye.

Lucas 20:26

Tsa'caen Jesúsma iñajampaña'jen'fa'choma poiyi'cco a'i tsu paña'jen'fa. Tsa'ma nasundeccuja Jesús afa'chone tisema qqueñañe oshambipa “Ñotsse tsu afa” qquen in'jamba ziya'fa.

Tson'fa'cho 23:21

Tsa'ma tise'pama pañajama. Tise'paja, cuarenta a'ima ti'tsse'o, tsu Pabloma a'tupa ronda'je'fa. Tise'paja su'fa: “Asettupa, ambe'yi, cu'imbe'yi can'jeñe Pabloma fi'ttiya'ngae.” Tayo tsu ja'ñojan ronda'je'fa tisema fi'ttiye. Tsa'ma toya tsu que su'choma pañañe ronda'je'fa.