Lucas 11:15 - Cofán: Chiga Tevaen'jen

¹⁵ Tsa'ma majan a'ija su'fa: —Cocoya na'su Beelzebú va Jesúsma in'jaensi tsu tsa'caen cocoyama joqquitssiañe osha.

Lucas 11:15 Iomraidhean Croise

Mateo 10:25

Tsa'ma atesian'su vanaqquia'caen tsu shondo'su'qque vanaña'cho. Na'su vanaqquia'caen tsu sema'su'qque vanaña'cho. Nane ña gi tsa'o na'su. Ñama “Cocoya na'su Beelzebú tsu” qquen afasepa ña aindeccuma'qque ti'tsse tsu tsa'caen afase'faya.

Mateo 12:22

Tsonsi Jesúsnga cocoya ca'ni'choma i'fa. Cocoya tisenga ca'nisi binimba afaye oshambi. Jesús tisema ccushaensi ayafambija afa. Afapa atteye'qque osha.

Mateo 4:24

Pa'cco Siria ande'ye Jesús ji'choma pañamba pajisundeccuma tisenga i'fa. Majan a'ija osha'cho paqque'sui'ccu, osha'cho iña'sui'ccu, toya'caen cocoya ca'ni'cho'qque, shanccopajashendeccu, ishopa paqque'sunga dañongendeccuma'qque tisenga isi tsu poiyi'ccoma ccushaen.

Mateo 9:34

Tsa'ma fariseondeccuja su'fa: Cocoya na'su tisema fuitesi tsu cocoyama joqquitssian.

Juan 10:20

Tsain'bio tsendeccu'su majandeccuja su'fa: —¿Jongoesie qui tisema paña'fa, cocoyama an'biamba sumbie dapa su'je'nijan?

Juan 7:20

A'ija su'fa: —Cocoya ca'ni'cho qui. ¿Majan tsu quema fi'ttiye in'jan?

Juan 8:48

Tsonsi israendeccuja su'fa: —Ñotsse gi su'fa queja samaritanomba qui cocoyama an'bian.

Juan 8:52

Tsonsi israendeccuja su'fa: —Ja'ño gi in'jan'fa cocoyama qui an'bian. Abraham, poiyi'cco Chiga Aya'fama afasundeccu'qque pa'fa. Tsa'ma queja su: “Majan ña su'choma paña'da minga'ni'qque pa'faya'bi.”