Lucas 1:77 - Cofán: Chiga Tevaen'jen

⁷⁷ Egae tsincon'choma joqquitssiaña'chone tsu poiyi'cco a'inga condaya cuintsu atesu'faye tsa'caen Chiga a'ima ccushaeña'choma.

Lucas 1:77 Iomraidhean Croise

Jeremías 31:34

Nane tayoe a'ija tisupapora atesian'fa. Quindya tsu tise quinshinma nafattian cuintsu Na'su Chigave in'jañe. Tsa'ma tsequi a'ta poiyi'cco pañamba ñame in'jansi majameñi'qque atesiañe me'i'on tsu. Nasundeccu, utu'ccoandeqquia'qque tsu ñame in'jan'faya. Nane tise'pama mende'yepa gi tise'pa egae tsincon'choma agattoya'bi. Tise'pa shacama gi aqque'paya. Ña, Na'su Chiga gi que'inga conda.”

Lucas 3:3

Tsa'caen in'jaensi pa'cco Jordán na'en utufa'ye candusiancan, a'i cuintsu tisu egae tsincon'choma catipa fettiye'faye, Chiga tise shacama aqquepoeñe.

Lucas 3:6

Nane tsa'caen tsu injama'choma ñoñaña'cho poiyi'cco a'i Chiga tise'pama ccushaeña'choma in'jañe.”

Juan 1:29

Ccaqui a'ta Jesús Juanga catsesi Juanjan attepa inginga su: —Que canjan: Tsa a'ija Chiganga afe'cho oveja tsu. Poiyi'cco a'i egae jincho'choma joqquitssian'su tsu.

Juan 1:34

Attepa gi que'inga conda va Jesúsja ñoa'me Chiga Dutssi'ye tsu.

Tson'fa'cho 10:43

Toya'caen tayopi'su Chiga Aya'fama afasundeccu'qque Jesúsne afapa su'fa: “Poiyi'cco majan tise've in'jan'chondeccu tise a'ive dasi tsu Chiga Quitsaja tise'pa egae tsincon'choma joqquitssiaña.”

Tson'fa'cho 19:4

Tsa'caen su'fasi pañamba Pabloja su: —Juan feti'chota tsu a'i tisupa egae tsincon'choma catiye in'jansi feti'cho. Tsa'ma toya'caen tsu Juanjan poiyi'cconga conda tisema omboe jiya'chove tsu ñoa'me in'jaña'cho. Nane tsaja Jesucristo tsu.

Tson'fa'cho 2:38

Tsonsi Pedroja su: —Poiyi'cco Chigave in'jamba que'i egae tsincon'choma antte'faja. Jesús a'ive daye in'jamba fetiye'faja. Tsonsi Chiga tsu que'i egae tsincon'choma joqquitssiaña. Tsa'caen joqquitssiamba tsu que'inga afeya Tise Qquendya'pama.

Tson'fa'cho 3:19

Tsa'cansi que'i egae tsincon'choma anttepa Chiga Quitsanga ji'faja cuintsu Tise que'i egae tsincon'choma ccuchaye. Tsa'caen ccuchapa Na'su Chiga tsu que'i injama'choma ño'faeña.

Tson'fa'cho 5:31

Chiga Quitsaja Jesúsma ti'tsse joccapitssia've tsomba Tisu tansinfanga ccutsian cuintsu na'suve daye. Toya'caen tsu Chigaja Jesúsveyi ccushaen'suve'qque tson cuintsu israendeccu'qque in'jan'da ccusha'faye. Nane tise'pa egae tsincon'choma antteye in'jamba Jesúsve in'jan'ninda tsu Chigaja tise'pa egae tsincon'choma joqquitssiaña.

Romanos 3:25

Chigaja Jesucristoma moen cuintsu tise anjampa tssansi egae tsincon'choma ccuchaye. Nane a'ija Jesucristove in'jan'da tsu va ccushaen'choma isu'faya. Tayoe Chigaja a'i egae tsincon'cho shacane iñajambe'yi ronda'je. Tsa'ma ja'ño Jesucristo papa afepoensi tsaite'su shacama'qque Chigaja ccucha Tisuja ño'a qquen canjaeñe.

Efeso'su 1:7

Chigaja ñoa'me ingima in'jamba ccushaen. Nane Jesucristo anjampa tssansi Chigaja ingima ccushaemba ingi egae tsincon'choma'qque joqquitssian.