Lucas 1:33 - Cofán: Chiga Tevaen'jen

³³ Tsangae tsu tiseja israe aindeccuma manda'jeya. Tise na'suve da'choja minga'ni'qque pasaya'bi tsu.

Lucas 1:33 Iomraidhean Croise

Salmos 45:6

¡Que qui Chiga! Tsangae joccapitssia Na'suve dapa qui manda'je. Quiníccopave dapa qui ñotsse tansintsse manda'je.

Salmos 89:4

“Que omba'su dutssiyendeccunga gi tsoña cuintsu tsangae na'suve dapa quia'caen que manda'choma manda'faye.”

Isaías 9:7

Na'su David dyaipa'chonga dyaipa tsu poi ande'su aindeccuma mandaya. Nane ñotsse mandasi majañi'qque tisema joqquitssiañe oshambisi poiyi'cco a'i tsu asi'ttaembe'yi opatsse canse'faya. Nane tansintsse mandapa poi a'inga tise'pa cansepa injienge'choma antteya. Ja'ño tsa'caen mandapa tsangae tsu tsa'caen mandaya. Nane Na'su Osha'choma Oshacho'cho Chigaja ñoa'me in'jamba tsu tsa'caen tsoña.

Jeremías 23:5

Na'su Chigaja tansintsse conda: “Jai'ngae gi antteya shoyo'choqquia'caen na'su David omba'su dutssi'ye na'suve dapa ñotsse in'jamba ñotssiaveyi tsomba tansintsse poi aindeccuma mandaye.

Daniel 2:44

Tsa'caen tsendeccu da'je'ni tsu sefacconi'su Chigaja minguite pasa'masia na'suma moesi jipa poiyi'cco nasundeccuma metsse sefaemba tsangae tise'yi na'suve daya.

Daniel 4:34

“Siete canqque'fa pasapa ña ccushaya'cho a'ta nepisi gi ña Nabucodonosor sefacconima camba in'jan tisu sumbie da'choma ccusha'chove. Tsa'caen ccushapa gi joccapitssia Chiga tsangae canse'suma ñotsse afapa qquen su: Tise oshacho'choja tsangae tsu quiña'jeña. Toya'caen tise manda'je'cho'qque pasambe'yi tsangae tsu jinchoya.

Daniel 6:26

Nane pa'cco ña manda'je'cho tsu Daniel Chigama dyoe'sui'ccu paña'faya'cho. Tsa tsu ñoa'me Cansian Chiga, toya'caen tsangae tsu jinchoya. Tise manda'je'cho'ni tise oshacho'qque pasaya'bi ni sefaya'bi.

Mateo 1:1

Qquen tsu Jesucristo tayopi'su antiandeccu. Tiseja tayopi'su David omba'su dutssi'ye tsu. Tayopi'su Abram omba'su dutssi'ye tsu.

Mateo 28:18

Tsonsi Jesús tise'panga catsepa su: —Chiga Quitsa tsu ñanga antte pa'cco Chiga sefacconima, pa'cco andenima'qque mandaye.

Lucas 1:34

Tsama pañamba Maríaja su: —¿Ma'caen tsu tsa'caen tsoña ñajan tsa'ndu mechoamajan?

Romanos 9:6

Shacambi tsu Chigaja Tise israendeccunga su'choma tsoñe. Ingi tayopi'su ccashe'ye Israelja tsain'bio dushundeccuve an'bian. Tsa'ma poiyi'cco Israel dushundeccuja ñoa'me Chiga in'jan'cho israendeccumbi tsu.

Galacia'su 3:29

Toya'caen que'ija Cristombe a'i'ta ñoa'me qui Abraham dutssiyendeccu. Osha'cho Chiga tise'panga afeya'choma que'i'qque isu'faya.

Galacia'su 6:16

Tsa'caen cuna a'ive dapa cansepa qui Chiga in'jan'cho aindeccu. Chiga que'ima mende'yesi qui opatsse canse'faya.

Filipo'su 3:3

Injanga ttonoma chhiyitevaen'da gi Chiga dushundeccuve da'fambi. Tsa'ma injama'choi'ccu Cristo Jesúsve in'jamba gi ñoa'me Chiga dushundeccuve dapa avujatssi'fa. Chiga Qquendya'pa ingima in'jaensi gi Chigama iñajamba Tisene ñotsse afa'fa.

Hebreo'su 1:8

Tsa'ma Dutssi'yene tsu Chigaja qquen su: Que qui Chiga. Tsangae joccapitssia na'suve dapa qui manda'je. Quini'ccopave dapa qui ñotsse tansintsse manda'je.

Canjaen'cho 11:15

Septimo Chigama sefacconi'su shondo'su jeñasi sefacconi'su afasundeccuja quia'me afa'je'fa. Qquen tsu su'fa: Ja'ño tsu ingi Na'su Chiga Quitsaja poiyi'cco va ande'su nasundeccuma patsupa Na'suve da. Tise Ccushaen'su Cristo'qque poimbe na'suve tsu da. Tsangae tsu Tiseja anttembe'yi mandaya.