Lucas 1:15 - Cofán: Chiga Tevaen'jen

¹⁵ Nane Tiseja Na'su Chiga joccapitssia a'iya tsu. Osha'cho ccusianqque'suma tiseja cu'iya'bi. Tsa'ma toya isumbi'te tsu Chiga Qquendya'pa tisenga ca'nimba in'jaeña.

Lucas 1:15 Iomraidhean Croise

Génesis 12:2

Quema ñotsse tsomba gi que dutssiyendeccui'ccu ti'tsse'tssi a'ive tsoña. Nane quei'ccu ña poiyi'cco a'ima ñotsse tsonsi tsu poiyi'cco a'i que inisema ñotsse afa'faya.

Génesis 48:19

Tsa'ma tise yayaja tsa'caen tsoñe in'jambipa su: —¡Tayo gi in'jan, jaricho, tayo gi in'jan! Toya'caen tsa'qque tsu joccapitssia aindeccuve atapaya. Tsa'ma tise quinshin tsu tisema ti'tsse joccapitssiya. Nane tsambe omba'su dushundeccu tsu ti'tsse tsain'bitsse atapa'faya.

Salmos 22:9

Que qui tson cuintsu ña mama ñama isuye. Ña mamama chocho'jesi que qui coira.

Jeremías 1:5

“Que toya meite gi quema tayo ttu'se. Nane toya isumbi'te gi quema tayo attufaen. Tsequi gi quema ccutsian poi aindeccunga Ña aya'fama afa'suve.”

Lucas 1:14

Que'i qui avujatssi'faya. Tisema isusi tsain'bio a'i'qque avujatssi'faya.

Lucas 7:28

Va andeni faesu a'i Feti'su Juanma ti'tsse'tssia've me'i'on tsu. Tsa'ma Chiga aindeccuve da'fasi ñoa'me utu'ccoa tsu Juanma ti'tsse'tssiya.

Lucas 7:33

Feti'su Juan jipa aña'choma ambipa asettu. Tse'tse'pama'qque cu'imbi. Tsa'cansi que'ija su'fa: “Tsaja cocoya ca'ni'cho.”

Juan 5:35

Nane tuño setsapa chanjunqquia'caen tsu Juanjan que'inga a'tatsse condase. Condasesi qui pañamba avujatssi'fa re'ricco'nejan.

Tson'fa'cho 2:4

Tsa'caen Chiga Qquendya'pa poiyi'cconga ca'nimba in'jaensi osha'cho ccaninga aya'fangae afaye ashaen'fa. Ma'caen Chiga Qquendya'pa afae'nijan tsa'caen afa'fa.

Galacia'su 1:15

Tsa'ma toya ñame meinte Chigaja ñama in'jamba ttu'se. Ñama ttu'sepa ja'ño Tiseja in'jamba

Efeso'su 5:18

In'dutssiai'ccu ccusipa'fajama. Tsa'caen tsomba tsu qque'faya'cho. Tsa'ma Chiga Qquendya'panga injaenge'faja.

Josué 3:7

Tsonsi Na'suja Josuéma su: “Ja'ño gi quema ti'tsse'tssia've tsoña cuintsu poiyi'cco a'i in'jan'faye ma'caen ña Moisésma fuiteqquia'caen quema'qque fuite'choma.

Josué 4:14

Tsequi a'ta tsu Na'suja Josuéma ti'tsse'tssia've tson cuintsu Moisés cansuite in'janqquia'caen tisema'qque ñotsse in'jamba paña'faye.