Lucas 1:13 - Cofán: Chiga Tevaen'jen

¹³ Tsa'ma Chigama sefacconi'su shondo'suja tisema su: —Dyojama Zacarías. Tayo tsu Chiga Quitsaja que iñajan'choma paña. Que pushe Elisabetja tsandie du'shuve tsu isuya. Tisema qui inisian'faya Juanme.

Lucas 1:13 Iomraidhean Croise

Génesis 17:10

Nane qquen tsu ña que'i'ccu injanccopa manda'choja: Poiyi'cco tsandiendeccu tsu que'suja tise'pa ttonoma chhiyi tevaen'faya'cho.

Génesis 17:19

Tsa'caen susi Chigaja su: —Tsa'ma Ñanda gi su que pushe Sarata tsu tsandie du'shuve isuya. Tsonsi qui inisiaña Isaacve. Tisei'ccu gi Ña quei'ccu injancco'fa'choma a'tatsse canjeña. Toya'caen tise dutssiyendeccui'ccu gi tsangae tsama canjeña.

Génesis 18:14

¿Oshambi ti Na'su Chigaja osha'choma oshapa tsa'caen tsoñe? Nane ñoa'me fae canqque'fa pasasi ña ccase jisi tsu Saraja tsandie du'shuve isuya.

Génesis 25:21

Rebeca du'shuma isuye oshambisi Isaacja Na'su Chigama iñajan tise pushene. Iñajan'choma Chigaja pañasi Rebecaja surie da.

Salmos 118:21

Na'su, que pañamba ñanga ñotsse tsonsi gi quema ñotsse afa'je. Que ñama ccushaensi gi tsa'caen ñotsse afa'je.

Oseas 1:4

Isusi Na'suja Oseasnga su: “Va du'shumajan Jezreelve inisianjan. Nane junde gi ande na'su Jehú dutssiyendeccuma vanaeña Jehú Jezreel canqqueni tayopi can'jemba egae tsincon'chone. Tsangae gi Israel manda'je'choma nepiaña.

Oseas 1:6

Can'jemba Gomerja ccase surie dapa pushesu du'shuve isu. Isusi Na'suja Oseasnga su: “Va pushesu du'shuma Lo-ruhamame inisianjan, Ña israendeccuma mendeyeya'bi qquen canjaeñe. Toya'caen tise'pa egae tsincon'choma joqquitssiaña'bi gi.

Mateo 1:21

Tsandie du'shuve tsu isuya. Tise aindeccuma tsu tise'pa egae tsincon'cho'ye ccushaeña. Tsa'cansi tisema qui inisian'faya Jesúsve. Jesús qquenda tsu ccushaen'su qquen su.

Mateo 14:27

Tsa'ma Jesús tise'pama afapa su: —Dyombe can'faja. Ña gi.

Mateo 28:5

Tsomba pushesundeccu catsesi Chigama sefacconi'su shondo'suja tise'pama su: —Dyombe can'faja. In'jan gi que'ija avuja'cconga fi'tti'fa'cho Jesúsve qui ttattacan'fa.

Marcos 16:6

Dyo'fasi tsandieja tise'pama su: —Dyombe can'faja. In'jan gi que'ija avuja'cconga fi'tti'fa'cho Jesúsve qui ttattacan'fa. Tsa'ma tiseja ccase qquendya. Va'ttija me'i'on. Jipa tise ccui'ttima can'faja.

Lucas 1:14

Que'i qui avujatssi'faya. Tisema isusi tsain'bio a'i'qque avujatssi'faya.

Lucas 1:30

Tsa'caen dyosi Chigama sefacconi'su shondo'suja ti'tsse condase: —Dyombe canjan, María. Chigaja ñoa'me quema ñotsse in'jan.

Lucas 2:21

Ocho a'ta pasasi du'shumbe ttonoma chhiyitevaemba tisema inisian'fa Jesúsve. Tsa'caen tsu Chigama sefacconi'su shondo'suja tayoe conda María toya surimbi'te.

Tson'fa'cho 10:31

Tsa tsu ñama su: “Cornelio, Chiga Quitsa tsu ñotsse pañamba in'jan que iñajan'choma. Ñotsse tsu attepa in'jan que ñotsse se'pimbe'yi mendeqquianga afe'choma.

Jueces 6:23

Tsa'ma Na'suja tisema su: —¡Opatsse dyombe canjan! ¡Nane paya'bi qui!