Levítico 4:6 - Cofán: Chiga Tevaen'jen

⁶ Ca'nimba tisu tsimian'ccoma tssipoemba enttinge'su cuarto sarupa piccofin'dinga catsepa siete se tsanga bitssaeña'cho Na'su Chiga can'jen'chonga.

Levítico 4:6 Iomraidhean Croise

Éxodo 40:21

Tsa'caen ñoñamba manda Chigai'ccu cachuicco'je'tti'su tsutopani'su cuartonga ca'niañe. Ca'niamba tsu manda dusiañe tsa cuarto'su sarupa picco'je'choma. Toya'caen tsu Chiga a'i'ccu injancco'fa'chove canjaen'cho cafonma oppoen (majan camba attesa'ne) Na'su Chiga mandaqquia'caen.

Éxodo 40:26

Toya'caen tsu corima ñoña'cho oque oraen'jen'choma ccutsian Chigai'ccu cachuicco'je'ttinga. Tsama'qque picco'je'cho sarupambe pporotsse ccutsian.

Levítico 14:18

“Tsa'caen tsu Chigama afa'suja na congomba pajipa ccusha'chombe egae tsincon'chone iñajaña cuintsu Na'su Chiga pasaeñe.

Levítico 14:7

Omboe tsu na congomba pajipa ccusha'choma siete se tsa anjampai'ccu bitssaeña'cho. Tsa'caen bitssaemba, ‘Tayo qui giya'tsse ccusha’ qquen supa tsu cansian chhiririama fetta mañaña'cho.

Levítico 16:14

Toya'caen tsu vaura quitsaye anjampama tsimian'ccoi'ccu Chiga a'i'ccu injancco'fa'cho cafon piccofin'dinga bitssaeña'cho coejechiga sombo'jefa'su utufanga. Nane siete se tsu tsa cafon piccofin'di utufanga bitssaeña'cho.

Levítico 16:19

Toya'caen tsu tsimian'ccoi'ccu oque'je'chonga siete se anjampai'ccu bitssaeña'cho. Tsa'caen tsomba tsu oque'je'choma israendeccu egae tsincon'cho'ye giyaeña'cho, Chigambeve tsoñe.

Levítico 26:18

“Ña tsa'caen tsonsi toya ñama ñotsse paña'fambian'da gi siete se ti'tsse que'ima vanaeña que'i egae tsincon'chone.

Josué 6:4

Siete Chigama afasundeccu oveja quitsa'ye can'cho tsonjen'choma an'bian'chondeccu tsu Chiga a'i'ccu injancco'fa'cho cafonma o'tie jaya'cho. Toya'caen septimo a'ta tsu ti'tsse, siete se, canqquema shoquendiya'cho. Nane Chigama afasundeccuta tsu tsonjen'choma jeñamba siete se shoquendi'jeya'cho.

Josué 6:8

Tsa'caen susi poiyi'cco Josué mandaqquia'caen tson'fa. Nane tsa siete Chigama afasundeccuja Na'su Chiga manda'cho siete can'cho tsonjen'choma angapa jeñá jacan'fa. Tise'pama omboe tsu faesundeccuja Na'su Chiga a'i'ccu injancco'fa'cho cafonma opipa jacan'fa.