Levítico 26:5 - Cofán: Chiga Tevaen'jen

⁵ Trigo tsu cucho'jeya o'fa tsajama taiya'ngae. Toya'caen o'fa tsaja tsu cucho'jeya trigoma joña'ngae. Panma tte'pputsse amba qui que'i andeni dyombi'tsse cansepa avujatssi'faya.

Levítico 26:5 Iomraidhean Croise

Éxodo 16:8

Toya'caen tsu Moisésja su: —Sime tsu Na'su Chigaja aña'choma afeya que'i an'faye. Toya'caen tu'i sinte tsu panma tsain'bitsse afeya. Nane tayo tsu paña que'i tisema afase'choma. Ñoa'me ingitsse tson'su'fambi gi. Que'ita qui ingima afase'fambi. Tsa'ma Na'su Chigama qui afase'fa.

Isaías 1:19

Que'i in'jamba ñama paña'da qui osha'cho va ande'su ñotssiama an'faya.

Jeremías 23:6

Tise manda'je'ni judándeccuja ccusha'faya. Nane israendeccuja opatsse canse'faya. Qquen qui tisema afa'faya: ‘Na'su ingima ccushaen'su qui.’ ”

Oseas 2:18

Tsequi a'ta gi tsampini jacanqque'sui'ccu injancco'faya'chove tsoña cuintsu antte'faye israendeccu tise'pai'ccu opatsse canse'faye. Nane sefani jacanqque'su, andeni manguqque'sui'ccu tsa'caen injancco'faya'chove gi tsoña. Toya'caen gi sundaro battittianccu, matichima'qque itsapa gerama se'piya cuintsu israendeccu ppimppintsse ana'jen'faye.

Oseas 2:20

Queja ña pushesi gi tsangae quema an'biaña. An'biansi qui ñama que Na'su qquen injan'jeña.

Mateo 23:37

¡Jerusalén, Jerusalén, Chiga Aya'fama afasundeccuma qui fi'tti! Chiga quenga moensi ji'chondeccuma qui patui'ccu ttovaccoen. Nane arapa tise dushundeccuma sanccopai'ccu sa'vianqquia'caen gi que dushundeccuma me'deye in'jan. Tsa'ma tsa'caen ña in'jansi qui se'pi.

Tson'fa'cho 14:17

Tsa'ma anttembe'yi tsu Chigaja osha'cho ñotssiama tson'jen Tise can'jen'choma a'inga canjaeñe. Nane sefaccone tsu unjima tuiña cuintsu osha'cho teta'cho tise'pa naite nañe. Tsa'caen tsu Chigaja que'i anqque'suma que'inga afesi qui amba tteppupa avujatsse canse'fa.

1 Timoteoga 6:17

Majan a'i ricove dapa osha'cho va ande'su jincho'choma an'bian'fa. Tsendeccuma mandaja cuintsu cca'indeccuma patsumbe'yi Chigave in'jan'faye. Nane tise'pa an'bian'choja tsangae jinchoya'bisi tsama in'jan'fajama tsai'ccu canseye. Tsa'ma Chigave in'jaña'cho Tise afesi canseye. Nane Chiga Quitsaja cansepa inginga osha'choma ñotsse afeye atesu cuintsu tsai'ccu ingi avujatsse canse'faye.

1 Pedro 1:5

Que'i Chigave in'jansi tsu Tiseja que'ima coirapa an'biañe osha, osefaeña'cho a'ta napiya'ngae. Nane tsequi a'ta tsu Tise ñoñamba ccushaen'choma que'inga canjaemba afeya.