Levítico 26:12 - Cofán: Chiga Tevaen'jen

¹² Poi a'ta gi que'i'ccu jacanqquia'caen can'jeña. Nane ñajan que'i Chigasi que'ija ña aindeccuya qui.

Levítico 26:12 Iomraidhean Croise

Génesis 17:7

Ñajan quei'ccu injanccopa gi tsangae que Chigave da. Toya'caen que omba'su dutssiyendeccui'ccu injanccopa gi tsangae tise'pa Chigave daya.

Génesis 17:8

Quenga, toya'caen poiyi'cco tsendeccunga gi pa'cco Canaán andema afeya. Nane que'i ja'ño can'jen'cho andema gi tsangae que'inga afepa tsangae que'i Chigave daya.

Génesis 3:8

Tsonsi sime tayo tumbiansi Na'su Chiga Quitsaja andenga andepa jombachoccu'ye tsui ja'je. Tsandie, pushesu tisema pañamba jombachoccu sheque'chombe enttingenga a'tu'fa, Na'su Chiga tise'pama attesa'ne.

Génesis 5:22

Enocja ñoa'me Chiga in'janqquia'caen canse. Matusalénme isusi Enocja faesu tresciento canqque'fave tsa'caen can'jemba ti'tsse tsu tsandie, pushesu du'shuve an'bian.

Génesis 5:24

Tsa'ma Chiga in'janqquia'caen cansesi Chigaja tisema anga. Nane pambe'yi tsu metsse da.

Génesis 6:9

Va tsu Noéne condase'cho: Noéjan ño'an a'isi poiyi'cco tise cansuite'su aindeccu'suma tise'veyi tsu Chigaja in'jan. Nane tiseja Chigama ñotsse pañamba canse.

Éxodo 3:6

Toya'caen tsu su: —Ña gi que coenzandeccu'yembe Chiga, nane Abraham, Isaac toya'caen Jacobmbe Chiga. Tsa'caen susi Moisésja camba'juma picco Chigama cañe dyojopa.

Isaías 41:10

Tsa'cansi dyo'fajama; ña gi que'i'ccu can'jen. Dyo'fajama; ña gi que'i Chiga. Nane ña gi que'ima quiñaemba fuiteya. Ña ñotssia quin'an tivei'ccu gi que'ima angacaña.”

Jeremías 31:33

Nane qquen tsu ña tsequi a'ta Israeli'ccu fae'ngae injanccoya'cho: Ña tise'pama in'jaensi tsu injama'choi'ccu ña in'janqquia'caen in'jamba tsa'caen ñotsse tson'faya. Tise'pa tsa'caen ña aindeccuve dasi gi ñajan tise'pa Chigave daya. Ña, Na'su Chiga gi que'inga conda.

Jeremías 32:38

Nane ñajan tise'pa Chigave dasi tsendeccuja ña aindeccuve da'faya.

Joel 2:27

Tsequi a'ta qui ñajan Na'su, que'i Chiga, Israelni can'jen'cho qquen in'jan'faya. Nane faesuve me'i'on tsu. Minguite'qque ña aindeccuja ccase ansange'faya'bi.

Zacarías 13:9

Ña anttesi toya canse'chondeccuma gi si'nge'ye panshaenqquia'caen vanaeña. Tsa'caen tsomba gi tise'pama giyaeña, totoacorima tssutssiamba giyaenqquia'caen. Ñoa'me coriama'caen gi tise'pama si'ngei'ccu giyaeña. Giyaensi tsu ñama iñajan'faya. Iñajan'fasi gi tise'pama pañaña. ‘Tise'paja ña aindeccu tsu’ qquen ña susi ‘Na'suja ingi Chiga tsu’ qquen tsu su'faya. Ña, Na'su Chiga, gi tansintsse conda.”

Mateo 22:32

“Ña gi Abraham, Isaac, Jacobmbe Chiga.” Nane Na'su Chigaja pa'chombe Chigambi tsu. Tsa'ma cansendeccumbe Chiga tsu.

2 Corinto'su 6:16

¿Tivei'ccu ñoña'cho chigata ti Chiga ettini jincho? Me'i. Nane Chiga que'i ai'voni can'jensi qui que'ija ñoa'me Chiga etti'fa. (Tsa'cansi ñoña'cho chigaja fae'ngae jinchoye oshambi.) Nane Chigaja que'ine su: Ña gi tise'pai'ccu can'jemba jacaña. Tise'pa Chigave gi daya. Tise'paja ña a'ive tsu da'faya.

Hebreo'su 11:16

Tsa'ma tseni jaye in'jambipa ñoa'me bove ñotsse can'jeña'chonga jaye in'jan'fa. Nane Chigave in'jamba tisu Chiga qquen supa sefacconi japa tsangae Tisei'ccu can'jeña'chonga jaye in'jan'fa. Tsa'caen in'jansi Chigaja tise'pai'ccu avujatssi. Tisu a'i'fa qquen supa tsu ñotssia canqqueve tise'pane ñoña tseni tise'pai'ccu tsangae canseye.

Canjaen'cho 2:1

Efeso canqque'su Jesúsve in'jamba bo'fa'choma coira'sunga qquen tevaenjan: Qquen tsu siete cori tuñoma ccutsian'cho enttingeni ccutsu'su, tsa tansinfa'su tiveni siete o'fema i'su'choja su:

Canjaen'cho 21:7

Majan patsu'ninda gi tsanga osha'cho ñani jinchoma afeya. Ñajan tise Chigave dasi tiseja ña du'shuve tsu daya.