Levítico 26:1 - Cofán: Chiga Tevaen'jen

¹ “¡Chigambindeqquiama iñajan'fajama ni ñoña'cho chigandeccuve ñoña'fajama! Que'i andeni patuma ccutsian'fajama ‘Vaja chiga’ qquen supa. Toya'caen tevaen'cho patuma ccutsian'fajama tsanga ccaru'faye. Nane Ña gi Na'su, que'i Chiga.

Levítico 26:1 Iomraidhean Croise

2 Reyes 17:10

Toya'caen tsu poi se'fatssia ccotta'cconga, poi quini'jin tsosiccu'su tumbianccunga iñajaña'cho patuma ccutsian'fa. Aserama ñoña'cho chigama'qque tsu tseni ccutsian'fa.

2 Reyes 17:16

Osha'chove Na'su tise'pa Chiga manda'choma catipa cu'a yoshavama tssutssiamba dos ñoña'cho vaura du'shuve ñoña'fa tsama iñajañe tise'pa chigave. Toya'caen tsu Asera quini'ccoma ccutsian'fa tsama'qque iñajañe. Osha'cho sefacconi jincho'choma chiga qquen in'jamba Baalma'qque iñajan'fa.

2 Reyes 17:8

Somboemba faesu aindeccuma tteyamaña cuintsu israendeccu tise'pa andeni can'jeñe. Tsa'ma tsa faesu aindeccu mandaqquia'caeñi tsu Israel nasundeccu'qque egae tsincomba manda'fa. Tsa'cansi tsu Na'suja ccase tise'pama vanae.

Salmos 78:58

Chigama iyicca'yean'fa faesu chiga'candeqquiama iñajaña'ttive ñoñamba. Ñoña'cho chigandeccuve'qque ñoñamba iñajan'fasi Na'suja chi'gapa se'pi.

Salmos 97:7

Ñoña'cho chigandeccuve in'jamba iñajansundeccu'qque tsama in'jamba ja'ño ansange'faya. Nane ñoña'chove in'jamba quinsepoemba afa'ma ja'ño ansange'faya. ¡Poiyi'cco chiga'candeqquia tsu ja'ño Na'su Chigave in'jamba iñajan'faya!

Éxodo 20:2

“Ña gi Na'su, que Chiga, que Egiptoni tsangae sema'suve da'cho'ye somboen'su.

Éxodo 23:24

Tsa andesundeccu tson'jen'chonga ma'de'fajama. Tsendeccumbe chiganga ccaru'fajama ni tsanga iñajan'fajama. Tsa'ma tise'pa ñoña'cho chigandeccuma me'tsse catipa tise'pa iñajan'jen'cho patu ccutsu'choma'qque ttova cati'faja.

Éxodo 34:17

“Toya'caen minga'ni'qque que'ija jongoesuma tssutssiamba ñoñaqque'su chigave ñoña'fajama.

Tson'fa'cho 17:29

Chiga dushundeccuve'can'da qui que'i in'janqquia'caen in'jan'fambiye'can. ¿Ma'caen tsu Chigaja cori, totoa cori, patuma ñoña'choya? Nane a'ija aqquia injanga tisu injama'choi'ccu in'jamba tsa'caen ñoña'fa.

Canjaen'cho 22:15

Tsa'ma canqque tsotefani tsu egae tsinconsundeccuja can'jen'faya. Majan a'i ain in'janqquia'caen in'jamba egae tsinconsundeccu tsu tsotefani can'jen'faya. Coragandeccu, poi tsandie, pushesu injanga fae'ngae egae can'jensundeccu, cca'ima fi'ttisundeccu, afopa'cho chiga'ca'me in'jansundeccu, nane poiyi'cco majan afopoeñe in'jamba tsa'caen afopoemba cansesundeccu tsu canqque tsotefani can'jen'faya.