Levítico 19:11 - Cofán: Chiga Tevaen'jen

¹¹ “Cca'najama. Afopoenjama ni tisupaporama afopoemba dañojama.

Levítico 19:11 Iomraidhean Croise

Éxodo 20:15

“Cca'najama.

Éxodo 20:16

“Afopoenjama tisupaporama dañomba afasa'ne.

Éxodo 20:17

“Tisu injamáchoni faesu an'bian'chove tisumbema'caen in'janjama; ni tise tsa'o, ni tise pushe, ni tise'be sema'su tsandie, sema'su pushesu, ni tise'be sema'su vaura, ni tise boro, ni jongoesuveyi'qque tisumbe qquen in'janjama.”

Romanos 3:4

Me'i. Nane poiyi'cco a'i afopoen'ni'qque toya tsu Chigaja tansintsse afa'je. Chiga Tevaen'jeni Chigama qquen su: Queja tsangae tansintsse afa'su qui. A'i Quema egae afase'fasi qui ccane'qque tansintsse afapa patsu'je.

Efeso'su 4:25

Tsa'camba afopoembe'yi tisupaporai'ccu tansintsse condasecco'faja. Nane poiyi'cco gi Cristoi'ccu fae'ngae jinchopa fae a'iyi'fa.

Efeso'su 4:28

Tayoe ccana'su cca'nambe'yi canse'faya'cho. Tisu tivei'ccu semamba osha'cho ñotssiave ñoñamba canse'faya'cho. Tsa'caen semamba ganamba va'chandeccuma fuite'faya'cho.

Colosa'su 3:9

Afopoencco'fajama tisupapora. Tsaja tayo pasa. Tayoe tsa'caen egae tsincomba qui canse'fa. Tsa'ma ja'ñojan tayo'su in'jan'choma catipa qui tsa'caen tsincon'fambi.

1 Timoteoga 1:10

Nane pushembe can'jemba faesu pushesui'ccu, tsambi'ta faesu tsandiei'ccu fae'ngae egae tsincon'suma tsu se'pi. A'ima indipa ccani angapa semoensundeccuma tsu se'pi. Toya'caen afopoensundeccuma'qque tsu se'pi. Nane osha'cho jongoesu ñotsse atesian'chone ccaninga'osi, tsama tsu manda'choja se'pi.

Canjaen'cho 21:8

Tsa'ma poi dyopa ñama atiensundeccu, poi ñame in'jambindeccu, egave ttattapa tsave in'jan'chondeccu, cca'ima fi'ttisundeccu, poi tsandie, pushesu injanga fae'ngae egae can'jensundeccu, poi coragandeccu, poi ñoña'cho chiga'ca'me in'jan'chondeccu, poi afopoensundeccu'qque tsu asufre si'nge singu'ccunga japa tsangae pa'faya'cho.