Levítico 16:4 - Cofán: Chiga Tevaen'jen

⁴ Ca'niñe tson'jen'da tsu lino sarupama ondiccupa tsambe ombanga Chiganga catse'je'cho lino ondiccu'jema ondiccupa lino utuqui'fai'ccu utuquiya'cho. Toya'caen rande lino goroma ontsiaña'cho. O'tie tisu ai'voma tsa'ccui'ccu onjomba tsu tsa'caen Chiganga catse'je'cho sarupama ondiccuya'cho.

Levítico 16:4 Iomraidhean Croise

Isaías 53:2

Nane Na'suja in'jan cuintsu tisema shondo'su jonqquia'caen santssia ande'ye sho'yoye. Ñotsse attiambi ingi tise've in'jan'faye. Ñotssimbi ingi tisenga catse'faye.

Levítico 16:23

“Tse'i tsu Aarónjan Chigai'ccu cachuicco'je'tti'su carpanga ccase ca'nimba pa'cco tise Chigai'ccu cachuicco'je'tti'su cuartoni ca'ni'cho lino sarupa ondiccu'jema oshichhapa tse'ttinga ccuiñaña'cho.

Levítico 16:24

Toya'caen tse'ttingayi tsu tisu ai'voma tsa'ccui'ccu onjomba tisu faesu ondiccu'jema ondiccupa somboya'cho. Sombopa tsu tisune oque oraeña'choma oquepa israendeccune oraeña'choma'qque oque oraeña'cho. Nane tsa'caen oque o'raemba afesi tsu tise egae tsincon'cho toya'caen poi israendeccu egae tsincon'choma'qque pasaeña.”

Lucas 1:35

Tsa'ma Chigama sefacconi'su shondo'suja su: —Chigaja osha'choma joccapitssiapa osha'choma oshacho. Chiga Qquendya'pa quenga ca'nisi Joccapitssia Chigaja quema oppoeña. Tsa'caen oppoensi que du'shuja ñoa'me egave mechosi tsu Chiga Dutssi'ye qquen su'faya.

Filipo'su 2:7

Tise osha'cho Chigai'ccu jincho'cho'ye joqquitssipa poiyi'cco a'ima bove'ccoave da. Nane a'i du'shuve dapa can'jen.

Hebreo'su 10:22

Tise tsa'caen ingine afa'ninda jinge tise've in'jamba ti'tsse Chigama atesu'faye. Ingi injama'choni se'pimbe'yi ñoa'me Jesucristo ingi'ccu can'jemba fuite qquen in'jamba Chigama ti'tsse atesu'faya'cho. Nane Jesucristoja tise anjampa tssansi ingi injama'choma giya'tsse tson. Tsa'caen giyaensi gi ingi egae tsincon'choma aqque'paye osha'fa. Toya'caen tayopi'su Chigama afasundeccu chandi'tssia tsa'ccui'ccu ai'voma onjonqquia'caen ingi'qque giya'tsse dapa Chigama ti'tsse atesu'faya'cho.

Hebreo'su 2:14

Poiyi'cco ingi Tise dushundeccu gi fae naccu'fa. Papa congonqque'su'fa gi. Tsa'cansi Jesús'qque papa congonqque'su a'ive dapa pa ingima fi'tti'suma tsangae patsuye. Nane tsa fi'tti'suja cocoya na'su Satana tsu.

Hebreo'su 7:26

Nane Jesúsyi tsu ingine ñotssia Chigama afa'su na'su. Tiseja Chiga in'janqquia'caen ño'a tsu. Tiseja egae in'jambi ni egae tsincombi. Tsa'camba tsu tiseja ingi egae tsinconsundeccuma ccaninga'o. Toya'caen tiseja joccapitssia've dapa Chigai'ccu sefacconi can'jen.