Levítico 16:16 - Cofán: Chiga Tevaen'jen

¹⁶ Tsa'caen tsu Chigai'ccu cachuicco'je'tti'su cuartoma giyaeña'cho israendeccu Chigama pañambipa iyicca'yepa injanga egae tsincon'chone. Toya'caen tsu Chigai'ccu cachuicco'je'tti'su carpama'qque tsa'caeñi giyaeña'cho. Nane tsa carpaja israendeccu can'jen'cho, toya'caen tise'pa egae tsincon'cho, enttingeni tsu ccutsu.

Levítico 16:16 Iomraidhean Croise

Levítico 16:17

“Aarón toya Chigai'ccu cachuicco'je'tti'su cuartoni egae tsincon'chone pasaeñe afaye can'jen'ninda tsu tise somboya'ngae majañi'qque Chigai'ccu cachuicco'je'tti'su carpani can'jen'masia. Nane Aarón tsa'caen afasi Chigaja tise egae tsincon'cho, tise antiandeccu, toya'caen poi israendeccu egae tsincon'choma'qque pasaensi

Levítico 16:18

sombopa tsu Na'su Chigama iñajan'jen'cho oque oraen'jen'choma'qque giyaeña'cho. Nane majan vaura quitsaye anjampa, chivo anjampama'qque isupa tsai'ccu oque'je'cho'su cuatro ontsian'ccoma onjoeña'cho.

Números 17:11

Moisésja pa'cco Na'su Chiga su'choma tson.

Juan 14:3

Toya'caen ña tseni japa osha'choma ñoñamba gi ccase vani jiya que'ima i'ngiye cuintsu mani ña can'jen'ninda tseni que'i'qque can'jen'faye.

Hebreo'su 2:17

Nane ingima ccushaeñe tsu Jesúsja ñoa'me a'i'ccu fae'ngatssia've da. Tsa'cambiecan'da tsu a'ima ccushaeñe oshambiye'can. Tsa'ma tsa'caen dapa tsu ñoa'me a'ima mende'yeye osha. Tsa'caen a'ima mende'yepa tise'pane tansintsse Chiganga afa'su na'su tsu. Toya'caen a'i'ccu fae'ngatssia've dapa tsu papa pa'cco Chiga a'ine in'jan'chove tson a'i egae tsincon'choma tsangae joqquitssiañe.