Levítico 10:6 - Cofán: Chiga Tevaen'jen

⁶ Omboe tsu Moisésja Aarónga toya'caen tise dutssiyendeccu, Eleazar, Itamarnga'qque qquen su: —Que'i tosema fuchhambe injanga anttejama ni que'i ondiccu'jema chittajama ñombi'ye'choma canjaeñe. Nane tsa'caen tson'ninda isha tsu Chigaja que'ima fi'ttipa poi israendeccuma'qque iyicca'yeya. Tsa'ma que'i antiandeccu, toya'caen poi israendeccu tsu Nadab'ye, Abiú'ye egae tsonsi Na'su Chiga ju'rutssia si'ngema moemba fi'tti'chone ñombi'yeye osha'fa.

Levítico 10:6 Iomraidhean Croise

Éxodo 33:5

Nane Na'su Chiga tsu Moisésnga qquen su: —Israendeccunga vama condaja: ‘Que'i qui ñoa'me injiengembitssi'fa. Nane ña que'i'ccu aqquia re'riccoe can'jen'choecan'da gi metsse que'ima sefaeñe'can. Ja'ñoñi sasiyo, andupama'qque antte'faja. Tsonsi gi atteya ma'caen que'ima tsoña'chove.’

Levítico 13:45

“Majan a'i na congomba paqque'sunga setsapa ttono dañonge'ta tsu tise ondiccu'jema chittapa tise tosema fuchhambe'yi tise aya'fama sarupai'ccu piccopa qquen fundoya'cho: ‘¡Giya'tssimbi gi! ¡Giya'tssimbi gi!’

Números 14:6

Toya'caen Josué, Caleb'qque fae'ngae andema cañe jacansundeccupa tisupa ñombi'ye'choma canjaeñe in'jamba ondiccu'jema chi'ttapa

Números 16:22

Tsa'ma Moisés Aarón'qque andenga puntssan ccuipa qquen su'fa: —Chiga Quitsa, que qui poi aindeccuma cansian'su. ¿Tsa'caen ti qui fae a'i egae tsincon'chone poi aindeccuma iyicca'yeya?

Números 20:25

Moisés, que qui Aarónma toya'caen tise dutssi'ye Eleazarma'qque Hor ccotta'cco tansin'choni angaya'cho.

Josué 7:1

Tsa'ma fae'cco Judá aindeccu'su, Acán qquen inisecho'choja, injama'cho shacapa Chigambe jincho qquen in'jamba isu. Nane Acán, tsa Carmi dutssi'ye tsu tsa'caen se'pi'choma isu. (Carmi tsu Zabdi dutssi'ye. Zabdi tsu Zara dutssi'ye. Poiyi'cco tsu Judá omba'su dutssiyendeccu.) Acán tsa'caen Na'su Chiga se'pi'choma isu'chosi Chigaja ñoa'me poiyi'cco israendeccuma iyicca'ye. Tsa'cansi tise'pa'qque tsambe shacai'ccuyi shacapave da'fa.

Josué 7:11

¡Israendeccu tsu egae tsincon'fa! Nane ña tise'pai'ccu injancco'fa'choma catipa egae tsincon'fa. Ñañi an'biaña'choma tsu isu'fa. Cca'na'fa. Afopoen'fa. Ñambema tsu tise'pa an'bian'chonga a'tu'fa.