Levítico 10:1 - Cofán: Chiga Tevaen'jen

¹ Aarón dutssiyendeccu, Nadab toya'caen Abiú, tisia'can Chigama afasundeccupa oque oraen'jen'cho tasama isupa si'ngema ppiñamba ñome'bama'qque tuiñamba ja'fa Chiganga afeye. Tsa'ma Chiga manda'cho si'ngema ppiñambi'pa ccaninga si'ngema tasanga ppiñamba oque oraemba Na'su Chiganga afe'fa.

Levítico 10:1 Iomraidhean Croise

1 Reyes 18:38

Tse'faei'ccuyi Na'su Chigambe si'ngeja sefaccone amppipa afe'cho vaurama oque cati. Nane vaura, toya'caen si'tsi, patu, andema'qque oque catipa pa'cco tsa'ccuma'qque metsse oque cati.

Éxodo 24:1

Na'su Chigaja Moisésnga su: —Ña can'jeni ansundeja, que, Aarón, Nadab, Abiú, toya'caen setenta israe'su coenzandeccui'ccu. Tsa'ma biaccaccatsseyi jipa tse'ttingayi ccaru'faja.

Éxodo 24:9

Tsomba Moisésja Aarón, Nadab, Abiú, toya'caen setenta israe'su coenzandeccui'ccu ccotta'cconga ansunde.

Éxodo 31:11

Chigambe qquen canjaeñe yayapaenqque'suve toya'caen cachuicco'jeccunga oque oraenqque'su ño'metssia ñome'bave ñoña'faya'cho. Nane tsendeccuta tsu pa'ccoma ña mandaqquia'cantsse nani'faya'cho”

Éxodo 40:27

Ccutsiamba tsanga ñome'bama oque oraen Na'su Chiga mandaqquia'caen.

Éxodo 8:27

Tsa'cansi tsu tres a'ta pa'cco a'i menia japa tseni fi'ttipa oque oraemba ingi Na'su Chiganga afeya'cho tise suqquia'caen.

Jeremías 19:5

Oque oraen'jen'ttive ñoña'fa tise'pa dushundeccuma oquepa Baalnga afeye. Ñajan tsa'caen mandambi ni tsa'caen condambi. Ni asi'ttaembi gi tise'pa tsa'caen tsoña'chove.

Jeremías 32:35

Toya'caen Ben-hinom sinjunccuni tsu Baalma iñajan'jen'cho oque'je'chove ñoña'fa. Tsanga tsu tise'pa dutssiyendeccu, onquengendeccuma'qque fi'ttipa Molocnga afe'fa. Ñajan tsama chi'gapa tsa'caen mandambi. Ni in'jambi gi tise'pa tsa'caen egae tsincon'faye. Tsa'caen egae tsincomba tsu poi judándeccuma daño'fa.

Levítico 16:1

Aarón dos dutssiyendeccu panshaen Na'su Chiga can'jen'chonga catsepa pa'fasi Na'su Chigaja Moisésnga condasepa

Levítico 16:12

Afe nanimba ñome'bama oque oraen'jen'cho tasama isupa tsanga Na'sunga iñajan'jen'cho oque'je'cho'su si'ngema ppiñaña'cho. Toya'caen vuvutssia ño'metssia ñome'bama dos pafuve isuya'cho. Tsama isupa sarupa piccofin'dima pashamba enttinge'su cuartonga ca'niña'cho.

Números 16:46

Moisésja Aarónga su: —¡Que ñome'bama oque'je'choma i'ngapa Chiganga afeye oque'je'cho si'ngema on'boemba ñome'bama'qque tuiñajan! ¡Tsa'caen tsomba junde aindeccu can'jeni japa Chigama iñajanjan tsendeccu egae tsincon'chone joqquitssiya'chove! Ñoa'me tsu Na'su Chigaja iyicca'yepa fi'ttiye tson'jen. Nane tayo tsu paqque'sui'ccu paye ashaen'fa.

Hebreo'su 9:4

Sarupa picco'je'cho jin'tti tsu corima ñoña'chonga si'ngema oque'je'cho jin. Tseni tsu ñome'bama ccuiñamba Chiganga oque oraen'jen'cho. Toya'caen Chiga a'i'ccu fae'ngae injancco'fa'chove canjaen'cho cafon'qque tsu tsa enttinge'su cuartoni jin. Tsa cafonjan pa'cco cori'ccu oppoen'cho tsu. Nane sepaccofama naccufama'qque cori'ccu oppoen'cho tsu. Cafoni tsu cori api ppi. Nane tsa apini tsu Chiga a'inga afe'cho pan'can maná ppi. Toya'caen Aarón accuicco'cho'qque tsani ccui. Tsaja quini'cco samba sho'yo'cho tsu. Sho'yopa tsu Chiga Aarónme in'jan'chove canjaen. Toya'caen Chiga a'i'ccu fae'ngae injancco'faye manda'choma tevaen'cho patu'qque tsani ppi.