Jueces 7:1 - Cofán: Chiga Tevaen'jen

¹ A'taningae tsu Jerobaal, tsa Gedeónjan, poiyi'cco tise sundarondeccui'ccu Harod tsa'ccu sombo'jeni bopa can'jen'fa. Tsene'da tsu Madiandeccu can'jen'choja nortefa faesu sinjunccu tsa More ccotta'ccoi'ccu pporotsse.

Jueces 7:1 Iomraidhean Croise

Génesis 12:6

tsa ande enttingeni japa Siquem canqqueni nepi'fa. Nane Siquemni tsu More roble quini'ccoccuja jin, tsa chigama iñajan'jen'tti. Cananeondeccu tsu tsa canqqueni can'jen'fa.

Génesis 22:3

Ccaqui a'ta sinte'yi Abrahamjan jangipa tise boronga ñoñamba Chiga tisema conda'cho andeni ja. Tisei'ccu tsu dos tise'be semasundeccu, toya'caen tise dutssi'ye Isaac'qque ja'fa. Si'tsima'qque anga'fa Chiganga afe'choma oqueye.

Josué 3:1

Ccaqui a'ta sinte'yi Josué, poiyi'cco israendeccui'ccu Sitim canqque'ye sombopa Jordán naeni ja'fa. Tseni can'jemba ñoña'fa tisupa iseya'chove.

Josué 6:12

Ccaqui a'ta sinte'yi Josué jangisi Chigama afasundeccuja ccase Na'su Chiga a'i'ccu injancco'fa'cho cafonma opi'fa.

Jueces 6:32

Gedeón Baalnga oque'je'choma asi'tta'chone tsequi a'tayi ashaemba tisema inisian'fa Jerobaalve, “Baalja tisuma coira'su” qquen su'chove.

Jueces 6:33

Omboe tsu poi madiandeccu, amalecitandeccu toya'caen poiyi'cco cca'i chiga sombo'jefa'su aindeccu fae'ngae bopa Jordán na'ema isepa Jezreel sinjunccuni tise'pa carpama ccutsutsian'fa.

Jueces 6:40

Tsequi cose tsu Chigaja tsa'caen tson. Nane tosepa ttonojan santssisi pa'cco ande tsu surunoi'ccu tssipa'cho.