Jueces 2:11 - Cofán: Chiga Tevaen'jen

¹¹ Tsa'ma israendeccu egae tsinconsi Na'su atte'ma in'jambi. Nane israendeccuja osha'cho chiga Baal ñoña'choma iñajañe ashaen'fa.

Jueces 2:11 Iomraidhean Croise

Génesis 13:13

Tseni'su aindeccuja ñoa'me egae in'jamba Na'su Chigama chi'gapa osha'cho tson'choi'ccu egae tsincon'fa.

Génesis 38:7

Tsa'ma Na'su Chigaja Er egae tsincomba cansesi chi'gapa tisema fi'tti.

1 Reyes 11:5

Tsa'camba sidónita'su chiga Astartéma in'jamba toya'caen amonita'su dyo'occo'a chiga Milcoma'qque in'jan.

1 Reyes 18:18

Tsa'ma Elíasja su: —Ñajan Israelma noñangian'sumbi gi. Tsa'ma que toya'caen que aindeccu Na'su Chiga manda'choma catipa Baal chigandeccuma iñajamba qui Israelma noñangian'fa.

Salmos 78:56

Tsa'ma ccase injanga tson'jen'fa Chiga tsoña'chove atesuye. Joccapitssia Chigama pañambipa tise'pa in'janqquia'caen tson'fa. Na'su manda'choma chi'gapa tsa'caen tson'fambi.

Números 25:3

Tsa'caen tsomba tsu poiyi'cco israendeccu Baal-peor chigama iñajañe ashaen'fa. Tsa'caen tson'jen'fasi Na'su Chigaja israendeccuma ñoa'me iyicca'yepa

Jueces 13:1

Ccase israendeccu Na'su Chigama pañambiqquia'caen egae tsincon'fasi Na'suja antte cuintsu cuarenta canqque'fave filisteondeccu tise'pama patsupa manda'jeye.

Jueces 3:12

israendeccu ccase egae tsincon'fasi Na'su Chiga atte'ma in'jambi. In'jambipa iyicca'yepa antte cuintsu Moab na'su, Eglón, israelma ti'tsse quin'ame daye.

Jueces 3:7

Israendeccu egae tsincon'fasi Na'su Chigaja atte'ma in'jambi. Nane Na'suma aqque'papa osha'cho chiga Baal toya'caen chiga Astarté ñoña'choma iñajan'jen'fa.

Jueces 6:1

Ccase tsu israendeccuja Na'su Chigama catipa egae tsincon'fa. Tsa'caen egae tsincon'fasi Na'suja siete canqque'fave antte cuintsu madiandeccu israendeccuma patsusi vana'faye.

Jueces 6:25

Tsequi cose'yi tsu Na'suja Gedeónma su: —Que yaya segundo vaura quitsa'ye coenzama, tsa siete canqque'fave an'bian'choma, angaja. Toya'caen que yayambe chiga Baalnga afeye oque'je'choma asi'ttapa tse'tti ccutsu'cho chiga Asera quini'ccoma'qque ttuttuja.

1 Samuel 7:3

Tsonsi Samuelja poiyi'cco israendeccunga conda: “Que'i pa'cco injama'choi'ccu ñoa'me toequi Na'su Chiganga jiye in'jan'da que'i ñoña'cho chigama cati'faja. Toya'caen Astartéma ñoña'cho chigama'qque tsu cati'faya'cho. Tsesuma catipa tsu pa'cco tisu injama'choi'ccu tisu Chigaveyi in'jamba shondoya'cho. Tsa'caen tson'ninda tsu Na'suja que'ima ccushaeña filisteondeccu'ye.”