Jueces 15:2 - Cofán: Chiga Tevaen'jen

² —Tsangae ti qui tisema chi'gapa ja qquen in'jamba gi quema shondo'sunga tayo afe. Tise que'tte tsu ti'tsse me'detssi. Tsama pusheja coenzama pushepa pasa'chone.

Jueces 15:2 Iomraidhean Croise

Génesis 38:14

panjen'chove canjaeñe ondiccucho'choma oshichhapa tisu camba'juma oppoen cuintsu majañi'qque tise've attembe can'faye. Tsa'caen oppoemba japa Enaim canqqueni cani'jen'tti dyai, Timnatni ja'je'cho tsaiquini. Nane tayo Sela coenzave dasi tise yaya tisenga afembisi tsu tsa'caen tson.

Tson'fa'cho 26:9

Ña'qque gi tayoeja ma'caen osha'ta va Jesús Nasareno'su in'jan'choma joqquitssiañe in'jan.

Jueces 14:16

Tsonsi Sansón pusheja Sansóni jipa i'namba munsimba su: —Queja ñama chi'ga. Ñoa'me qui ñama in'jambi. Ña aindeccunga que in'jan'choma afapa ñangaja a'tatsse que in'jamba su'choma condambi. Tsa'caen i'namba susi Sansónjan su: —Ju. Ni ña yaya ni ña mamanga conda'can gi quengata bove condaya.

Jueces 14:20

Sansón tsa'caen iyicca'yepa jasi pushesu yaya tsu Sansón pushema afe tisema shondo'sunga, tsa casara'choni fae'ngae ccutsu'su tsandienga.

Jueces 15:3

Tsa'caen susi Sansónjan ñoa'me iyicca'yepa su: —Que'i tsa'caen ñama egae tsonsi ñotssi tsu ña iyicca'yepa filisteondeccuma dañoñe.