Jueces 13:6 - Cofán: Chiga Tevaen'jen

⁶ Tsa'caen susi pushesuja tise tsa'ndunga japa pa'ccoma condase: “Chigambe a'i tsu ñanga ji. Ñoa'me dyo'tsse Na'su Chigama shondo'sia'caen tsu attian. Tise mane ji'chove gi iñajampañambi. Ni tise'qque tisu inisema condambi.

Jueces 13:6 Iomraidhean Croise

Génesis 18:2

Dyaipa asuccocamba tres tsandiema atte tse'tti pporotsse ccutsu'fa'choma. Tise'pama attepa carpa'ye butto jangipa chigambiañe catse. Buttopa japa tise'panga catsepa tise tsovema andenga puntssamba ccuipa

Génesis 32:29

Tsonsi Jacobja ccane'qque iñajampaña: —Ja'ño condaja jongoesu inise qui queja. Tsa'ma tsa a'ija su: —¿Jongoesie qui ña iniseve iñajampaña? Tsa'caen supa tsa a'ija tse'ttingayi Chiga tisema ñotsse tsoña'chove afa.

Éxodo 3:2

Tse'ttinga tsu Chigama sefacconi'su shondo'suja quini'si si'ngeve anchandasi Moisésnga attian. Moisésja tsama ñotsse camba in'jan quini'sija si'ngeve anchanda'ma ñoa'me ju'rumbi.

Éxodo 3:6

Toya'caen tsu su: —Ña gi que coenzandeccu'yembe Chiga, nane Abraham, Isaac toya'caen Jacobmbe Chiga. Tsa'caen susi Moisésja camba'juma picco Chigama cañe dyojopa.

Lucas 1:19

Tsa'caen iñajampañasi Chigama sefacconi'su shondo'suja su: —Ña gi Gabriel. Ña gi Chiga can'jeni ccutsu'cho. Tiseja ñama moen va ñotsse condase'choma quenga condaseye.

Lucas 9:29

Jesús Chigama iñajansi tsu tise cambajuja ccaningae da. Tise ondiccu'je'qque chhariccotssia totoave da.

Tson'fa'cho 6:15

Qquen su'fasi nasundeccuja poiyi'cco tse'tti dyaisundeccu'qque Esteban cambajuma camba Chigama sefacconi'su shondo'su cambajia'caen atte'fa.

1 Timoteoga 6:11

Tsa'ma queja, Timoteo, Chiga a'ive da'chota tsa'caen tsincon'choma chi'gaja. Tsama chi'gapa ñotsse tsomba canseja. Chiga in'janqquia'caen cansepa Cristove in'janjan. Cca'indeccuma'qque ñotsse in'jamba anttembe'yi opatsse canseja. Nane patsumbe'yi opatsse canseja.

Canjaen'cho 1:17

Tisema attepa gi tise tsutteccofanga paqquia'caen amppi ccui. Tsa'ma tiseja tansinfa'su tivei'ccu ñama pporaemba su: —Dyombe canjan. Ña gi Me'ttie'su toya'caen Osefa'tti'su.

Jueces 13:10

cushoan'me tisema condaye japa qquen su: —¡Ccase tsu ji faesu a'ta ñanga attian'cho a'i!

Jueces 13:22

In'jamba tise pushenga su: —¡Ñoa'me gi paye tson'jen'fa tayo Chigama attepa!

Jueces 13:3

Tsa'ma Na'su Chigama sefacconi'su shondo'suja Manoa pushenga attiamba su: “Queja du'shuve isuye oshambi'pa qui me'cco canse. Tsa'ma ja'ñonda qui surive dapa tsandie du'shuve isuya.

Jueces 13:7

Tsa'ma qquen tsu ñama su: ‘Queja surie dapa tsandie du'shuve isuya. Tsa'camba ni vino ni faesu ccusianqque'suma cu'ijama ni se'pi'cho aña'choma'qque anjama. Nane du'shuja isuyepa paya'ngae tsu Chigambe nazareo a'iya.’ ”

Jueces 13:8

Tsama pañamba Manoajan qquen Na'su Chigama iñajan: “Na'su Chiga, chigáne que moe'cho a'ima ccase inginga moejan cuintsu ma'caen tsandie du'shuma isupa coeñaña'chove inginga condaye.”

Jueces 6:11

Tsonsi Na'su Chigama sefacconi'su shondo'suja Ofra canqqueni jipa Joásmbe roble quini'jin'su tumbianccuni dyai. Tsa Joás tsu Abiezer'su a'i. Tse'tti roble jin'tti tsu Joás dutssi'ye Gedeónjan vino tsa'ccuve somboen'jen'cho changonga ca'ni ccutsupa trigoma qquesho'je madiandeccu tisema atte'fasa'ne.