Jueces 13:1 - Cofán: Chiga Tevaen'jen

¹ Ccase israendeccu Na'su Chigama pañambiqquia'caen egae tsincon'fasi Na'suja antte cuintsu cuarenta canqque'fave filisteondeccu tise'pama patsupa manda'jeye.

Jueces 13:1 Iomraidhean Croise

Romanos 2:6

Nane tsequi a'ta tsu Chigaja poiyi'cco a'i ma'caen tson'choma atesupa tsane afepoeña.

Hebreo'su 11:32

¿Ja'ñonda ti qui in'jan'fa? Nane a'ta tsu shaca pa'tssima condaye ma'caen a'i Chigave in'jamba tson'fa'choma. Nane tayopi'su a'i, Gedeón, Barac, Sansón, Jefté, David, Samuel, poiyi'cco Chiga Aya'fama afasundeccu'qque Chigave in'jamba ñotsse tson'fa.

Jueces 14:4

(Nane tise yaya tise mama'qque atesu'fambi tisema Na'su Chiga in'jaensi tsa'caen in'jan'chove. Nane filisteondeccu israendeccuma patsupa manda'jesi Na'su ma'caen tsomba filisteondeccuma dañoña'chove ttatta'je'choma atesu'fambi.)

Jueces 15:11

Tsa'caen pañamba tres mil Judá'su aindeccu bopa Etam patu'su changoni japa Sansónma su'fa: —¿Atesumbi ti qui filisteondeccuja ingi nasundeccu tsu? ¿Jongoesie qui tsa'caen tsincomba tise'pama iyicca'yean? Sansónjan su: —Nane tise'pa ñama tsonqquia'caen gi ccane'qque tise'pama tson.

Jueces 15:20

Sansónjan veinte canqque'fave israendeccuma angacan filisteondeccu manda qquen tson'jeinte.

Jueces 2:11

Tsa'ma israendeccu egae tsinconsi Na'su atte'ma in'jambi. Nane israendeccuja osha'cho chiga Baal ñoña'choma iñajañe ashaen'fa.

Jueces 3:7

Israendeccu egae tsincon'fasi Na'su Chigaja atte'ma in'jambi. Nane Na'suma aqque'papa osha'cho chiga Baal toya'caen chiga Astarté ñoña'choma iñajan'jen'fa.

Jueces 6:1

Ccase tsu israendeccuja Na'su Chigama catipa egae tsincon'fa. Tsa'caen egae tsincon'fasi Na'suja siete canqque'fave antte cuintsu madiandeccu israendeccuma patsusi vana'faye.