Juan 9:29 - Cofán: Chiga Tevaen'jen

²⁹ Atesu'fa gi Moisésnga Chiga afa'choma. Tsa'ma tsa a'imajan atesu'fambi gi mani'suve'qque.

Juan 9:29 Iomraidhean Croise

Salmos 103:7

Na'suja Moisésnga tise tsoña'choma condapa israendeccunga tise tson'jen'choma canjaen.

Salmos 105:26

Tsomba tse'i Chigaja tisema shondo'su Moisés, Aarónma'qque ttu'sepa tseni moe.

Salmos 106:16

Tise'pa can'jeni can'jemba Moisés, toya'caen Chiga in'jamba ttu'se'cho Aarónma'qque injama'choni se'pi'fa.

Salmos 22:6

Tsa'ma ñanda gi a'imbipa yosia'can. A'ija ñama chi'gapa barembi qquen tsu su'fa.

Malaquías 4:4

“Ñotsse injan'jen'faja ñama shondo'su Moisésnga Horeb ccotta'cconi afe'cho manda'choma. ¡Nane poi israendeccu tsu tsa manda'cho su'choma pañamba tson'faya'cho!

Números 16:28

Toya'caen tsu Moisésja su: —Tisutsse ña tsoñe oshambisi Na'su Chiga ñama moesi gi pa'cco ña tson'jen'choma tson'jen. Tsa'camba qquen tsonsi qui in'jan'faya Na'su Chiga ñama moe'chove:

Mateo 12:24

Tsa'ma fariseondeccu Jesús ccushaen'choma pañamba su'fa: —Cocoya na'su Beelzebú va Jesúsma in'jaensi tsu tsa'caen cocoyama joqquitssiañe osha.

Mateo 26:61

qquen supa: —Va a'ija su: “Ñajan Chiga ettima osiamba tres a'tangae ccase jangi ccutsiaña.”

Lucas 23:2

Jesús ma'caen tsincon'choma condaseye ashaemba su'fa: —Ingija va a'ima attepa gi indi'fa. Tiseja ingi aindeccuma afopoemba atesian'jen. Ingima tsu se'pi Na'su César iñajan'cho impuestoma afeye. Tiseja Cristo qquen tsu su, ande na'su qquen su'cho.

Juan 1:17

Moisésja Chiga manda'choma afapa conda. Tsa'ma Jesucristoma moemba Chigaja Tise ingima in'jamba ñotsse tson'choma tansintsse canjaen.

Juan 7:27

Nane ingija atesu'fa gi mane va a'i ji'choma. Tsa'ma Cristo ji'nijan majañi'qque atesu'faya'bi tise mane ji'choma.

Juan 7:28

Jesúsja Chiga ettini atesian'jemba a'i condase'je'choma pañamba quia'me afapa su: —Que'ija ñama atesupa ña mane ji'chove'qque atesu'fa qquen qui in'jan'fa. Tsa'ma tisuyi'ta jimbi gi. Ñama moen'suta tsu ñoa'me tansintsse afa'su. Tsama qui atesu'fambi.

Juan 8:14

Jesúsja su: —Ju, ñajan tisune afa'je. Tsa'ma ñajan mane tisu ji'chove, mani jaya'chove'qque atesusi tsu ña afa'chota ñoa'me tansintssi. Tsa'ma que'ija atesu'fambi qui mane ña ji'chove ni maningae ña jaya'chove'qque.

Juan 9:16

Qquen susi majan fariseondeccuja su'fa: —Tsa'caen sema'ma'qquia a'ta injansembe tsincon'cho a'ita Chigambembi tsu. Tsa'ma cca'indeccuja su'fa: —¿Ma'caen tsu egae tsincon'su'ta oshaya qquen ñotssiama canjaeñe? Tsa'caen supa fae'ngae in'jan'fambi.

Juan 9:24

Tsonsi israendeccuja ccase tayoe bini ccusha'choma ttu'sepa su'fa: —Chiga paña'jen'ni tansintsse condaja inginga. Ingita gi atesu'fa tsa a'ita tsu egae tsincon'su.

Juan 9:30

Tsa'caen afase'fasi tiseja su: —¡Tsama can'se! Que'i atesu'fambisi mani'suve'qque. Tsa'ma ña tso'fema tsu attian.

Tson'fa'cho 22:22

Aindeccuja tsangaeyi Pabloma paña'fa. Tsa'ma tisema israembindeqquianga moeña'cho qquen condasi poiyi'cco a'i fundoye ashaen'fa. —¡Va a'ima fi'ttija! ¡Ccatsse canseya'bi'choa tsu!

Tson'fa'cho 26:22

Chiga Quitsa ñama fuitesi. Toya'caen ja'ño'qque Chiga Quitsa ñama fuitesi gi vani ccutsupa poiyi'cconga condase'je, majan ti'tsse'tssianga, majan utu'ccoanga'qque. Nane Moisés, Chiga Aya'fama afasundeccu'qque jai'ngae tsoña'chone suqquia'caen gi ña'qque afa'je. ¿Minga'ni'qque ccaningae afambi gi?

Tson'fa'cho 7:35

Qquen tsu Chigaja Moisésma manda Tisema sefacconi'su shondo'suma afaemba. Nane quini'sie anchanda'choye attiamba ya'caen tsu manda. Israendeccu tayoe Moisésma chi'gapa “¿Majan tsu quemajan ingi injama'choma somboen'su na'suve tson?” qquen su'fasi tsu Chigaja tsaveyi na'su ccushaen'suve tsomba moen.

Deuteronomio 34:10

Tsa'ma faesu Chiga aya'fama afa'suja Moisés'cantsse Israelnga attiambi. Nane Moisésja Na'su Chigai'ccu cambajunaccu condasecco'je.

Hebreo'su 1:1

Tayopi Chigaja ccushaya'chone ingi tayopi'su israe'su coenzandeccunga condase'ñacca. Nane Chiga Aya'fama afasundeccuma in'jaensi tsendeccu tsu condase'fa. Cca'i Chiga Aya'fama afasundeccuma'qque ccaningae in'jaensi tsendeccu'qque tsane ti'tsse condase'fa.

Hebreo'su 1:2

Chigaja tayopi tsendeccui'ccu condasepa ja'ñojan Tise Dutssi'yema moen cuintsu inginga condaseye. Tseyi me'ttia'ye Chigaja Dutssi'yema oshaensi tsu osha'cho andeni, sefacconi jinqque'suve agattoen. Toya'caen Chigaja pa'cco agattoen'choma Dutssi'yenga afesi tise tsu pa'ccone na'su.