Juan 8:18 - Cofán: Chiga Tevaen'jen

¹⁸ Ja'ñojan ña gi tisune tansintsse afa'su. Ña Yaya ñama moen'su tsu faesu ñane tansintsse afa'su.

Juan 8:18 Iomraidhean Croise

Juan 10:11

Ña gi ñotssia coira'suja. Ño'a coira'suta tsu paye dyojombi tise ovejama ccushaeñe.

Juan 10:14

Ña gi ñotssia coira'su. Ña Yayaja ñama atesucho. Ña'qque gi ña Yayama atesucho. Tsa'caeñi gi ña ovejama atesucho. Tise'paja ñama atesu'fa. Ña gi paya ovejama ccushaeñe.

Juan 10:30

Ña, ña Yaya gi fae'ccoyi'fa.

Juan 10:9

Ña gi sombo'ttija. Majan ña'ñe ca'ni'chota ccushaya'cho tsu. Tsata tsu oveja ttuccunga ca'nimba sombopa anqque'suma an'jenqquia'caen opatsse canse'faya.

Juan 11:25

Tsonsi Jesúsja su: —Ña gi qquendyaen'su, cansian'su. Majan ñama in'jan'chota tsu pa'a'qque ccase qquendyaya.

Juan 14:6

Jesúsja Tomásnga su: —Ña'ñe qui qque'faya'bi. Ña'ñe qui tansintsse atesu'faya. Ña'ñe qui ñoa'me canse'faya. Tsa'ma majan ñama pañambi'ta Chiga Quitsanga catse'faya'bi.

Juan 8:12

Ccase afapa Jesús aindeccunga su: —Ña gi va ande'su aindeccuma chanjien'su. Majan ñai'ccu fae'ngae jacan'da sinttia'ye jacambe'yi a'tatssia'ye tsu jacan. Ña tisema chanjiensi tsu ñoa'metsse canse.

Juan 8:25

Tsonsi iñajampaña'fa: —¿Tsuin'da majan qui queja? Jesúsja su: —Tayo gi me'ttia'ye su'a.

Juan 8:38

Ña Yaya ñanga canjaensi gi afa. Tsa'ma que'ija tisu yaya su'choma qui tson'fa.

Juan 8:51

Ñoa'me gi su majan ña su'choma paña'da minga'ni'qque pa'faya'bi tsu.

Juan 8:58

Jesúsja su: —Ñoa'me gi su: Toya Abrahamme meinte, Ña gi.

Hebreo'su 2:4

Tsa'caen canjaeñe, Chiga tise'pama fuitesi, sefacconi'su canjaen'choma, ccushaen'choma, agattoen'choma'qque canjaensi a'ija can'boemba in'jan'fa. Toya'caen ma'caen Chigaja in'jamba Tise Qquendya'pai'ccu Tisema in'jan'chondeccuma in'jaen. Nane ma'caen in'jaen'nijan Chiga tson'chove tson'fa tansintsse condase'chove canjaeñe.