Juan 8:12 - Cofán: Chiga Tevaen'jen

¹² Ccase afapa Jesús aindeccunga su: —Ña gi va ande'su aindeccuma chanjien'su. Majan ñai'ccu fae'ngae jacan'da sinttia'ye jacambe'yi a'tatssia'ye tsu jacan. Ña tisema chanjiensi tsu ñoa'metsse canse.

Juan 8:12 Iomraidhean Croise

Salmos 49:19

paya'cho a'ta tsu jai'ngae nepiya. Tsequi a'ta nepisi ccatsse a'tatssia'ma atteya'bi.

Isaías 9:2

Nane tseni'su aindeccuja sinttia'ni can'jenqquia'caen Chigane atesu'fambi. Atesumbi'choa tsu a'tatssia'ma attepa in'jan'fa. Injanga can'jemba paye ronda'je'fa. Tsa'ma a'tatssia tise'panga attiansi attepa in'jan'fa.

Oseas 6:3

¡Jinge quin'tsse tta'tta'faye Na'suma atesuye! Nane coejechiga pasambi'tsse sinte sombo'jeqquia'caen tsu Na'suja ñoa'metsse jiya. Unjin sanfani toya'caen coejefani tuiye ashaenqquia'caen tsu tiseja ñoa'metsse jiya.

Mateo 5:14

Que'ija va ande'su a'ine tuñoacan'fa qui. Majan canqquema ccotta'cco ombanga canqquian'nijan ¿ma'caen tsu a'tutssiya?

Lucas 2:32

Nane tiseja israembindeqquianga attiansi tsendeccu'qque queve in'jan'faya. Tise'qque israendeccu'susi israendeccuja ti'tsse'tssia've dapa avujatssi'faya.

Juan 12:35

Tsonsi Jesúsja tise'panga su: —Aqquia re'riccone tsu chanjien'suja toya que'i'ccu can'jeña. Chanjien'su attianqquia'caen que'inga atesian'choma in'jamba canse'faja, egae sinttia'su que'ima indisa'ne. Nane a'ija sinttia'ye jacanqquia'caen canse'ta ¿ma'caen tsu atesuya tisu mani jaya'chove?

Juan 12:36

Chanjien'su toya que'i'ccu can'jen'nijan tsa chanjien'suve in'jamba canse'faja tise a'ive daye. Jesúsja qquen supa a'tu a'i tisema attesa'ne.

Juan 12:46

Ñajan ji va ande'su aindeccuma chanjien'suve cuintsu majan ñame in'jan'da sinttia'ni can'jembe'yi canse'faye.

Juan 14:6

Jesúsja Tomásnga su: —Ña'ñe qui qque'faya'bi. Ña'ñe qui tansintsse atesu'faya. Ña'ñe qui ñoa'me canse'faya. Tsa'ma majan ñama pañambi'ta Chiga Quitsanga catse'faya'bi.

Juan 3:19

Qquen tsu injama'choma somboen'cho: Chiga Dutssi'ye chanjien'suve a'inga jipa a'tatssia've condasesi in'jambi'chondeqquiaja sinttiani can'jeñe in'jan'fa tise'pa egae tsincon'choma attiañe in'jambipa.

Juan 7:17

Majan Chiga in'jan'qquia'caen tsoñe in'jan'da ña Chigane atesian'choma tsu atesu'faya. Nane tisune atesian'choecan'da tsu tsama'qque atesu'faye'can.

Juan 9:5

Toya va andeni can'jen'da gi va andesundeccuma chanjien'su.

Tson'fa'cho 13:47

Nane tsane tsu Na'suja ingima qquen manda: Ña gi que'ima tuño attianqquia'caen poi israembindeqquianga canjaeña. Que'i'ccu gi poi biani'su ande'suma'qque ccushaeña.

Tson'fa'cho 26:23

Tsendeccuja tayopi condase'fa ma'caen Chiga in'jan'cho Cristo vanaña'choma. Tsa'cansi tsu Jesucristoja papa me'ttia'ye ccase qquendya'su. Tsa'caen qquendyapa tsu Cristoja poiyi'cco a'inga canjaen a'i papa ccase qquendyaya'chone. Nane israendeccunga, israembindeqquianga'qque tsa'caen canjaemba tsu in'jaen.

2 Pedro 2:17

Va aindeccuja tsa'ccu sombo'je'tti sambaqquia'can'fa tsu. Unjimbama fingian angasi tuimbiqquia'caen tsu jacan'fa. Tayo tsu Chigaja tise'pa injama'choma somboemba antte cuintsu tsangae ti'tsse sinttia'ni can'jen'faye.

2 Pedro 2:4

Tayopi Chigama sefacconi'su shondosundeccu egae tsinconsi Chigaja tsendeccuma ccushaembe'yi si'nge anchanda'je'chonga cati. Nane candenai'ccu tandamba sinttiani an'bian jai'ngae injama'choma somboeña'chove.

1 Juan 1:6

Tsa'cansi gi “Tisei'ccu fae'ngae jincho'fa” qquen su'a'qque toya sinttia'ye jacamba aqquia afopoen'fa. Nane tise ñoa'me su'chove pañambe'yi gi canse'fa.

Judas 1:13

Mar shave'pa quia'me zonzoemba ttontton'bama somboen catiqquia'caen tise'paja ansangembe egae tsincon'fa. Toya'caen o'fe chanjún amppiqquia'can'fa tsu. Tayo tsu Chigaja ñoñamba manda cuintsu ti'tsse sintssia'ni tsangae can'jen'faye.

Judas 1:6

Toya'caen majan Chigama sefacconi'su shondosundeccuja tisupa manda'je'choma chi'gapa tisu can'jen'ttima cati'fa. Chigaja tsendeccuma indipa tsangae candenai'ccu tandamba sinttiani an'bian osefaeña'cho a'ta napisi tise'pa injama'choma somboeñe.

Canjaen'cho 21:24

Poi ande'su majan ccusha'chondeccuja tsa canqque'su tuñoma attepa tsa'ye jacan'faya. Poi ande'su nasundeccu'qque tise'pa osha'cho ñotssiama tsanga fechochoen'faya.