Juan 7:7 - Cofán: Chiga Tevaen'jen

⁷ Aindeccuja que'ima chi'gaye osha'fambi. Tsa'ma ñajan tise'pa egae tsincon'choma afa'susi tsu ñamajan chi'ga'fa.

Juan 7:7 Iomraidhean Croise

Salmos 109:5

Ñotssiama afesi egama afepoenqquia'caen ña tise'pama ñotsse in'jansi ñama chi'ga'fa.

Malaquías 3:5

Na'su Osha'choma Oshacho'cho Chigaja su: “Jiya gi que'i injama'choma somboeñe. Nane coragandeccu, faesumbe tsa'ndu faesumbe pushei'ccu can'jendeccu, toya'caen ñoa'metsse su'cho qquen supa afopoensundeccu egae tsincon'choma canjaeña. Sema'sunga ñotsse afepoembi'choa nasundeccu, tsandupajen'choma vanaesundeccu, yayame'choama vanaesundeccu egae tsincon'choma'qque gi canjaeña. Toya'caen que'i'ccu canjen'su faesu ande'suma noñangiansundeccu egae tsincon'choma'qque gi canjaeña. Nane poiyi'cco tsendeccu tsu ñama dyoe'sui'ccu in'jan'fambi.

Lucas 6:26

Vana'faya qui poiyi'cco a'inga ñotsse afayesundeccu. Nane tayopi'su Chiga Aya'fama afa'su qquen afopoensundeccu afopoensi tise'pa can'jeinte'su aindeccu tise'pama tsa'caen ñotsse afa'fa.

Juan 17:14

Ñajan que aya'fama tsendeccunga atesiansi va andesundeccuja tise'pama chi'ga'fa. Nane tise'paja va ande'su'fambi, ña va ande'sumbiqquia'caen.

Juan 3:19

Qquen tsu injama'choma somboen'cho: Chiga Dutssi'ye chanjien'suve a'inga jipa a'tatssia've condasesi in'jambi'chondeqquiaja sinttiani can'jeñe in'jan'fa tise'pa egae tsincon'choma attiañe in'jambipa.

Romanos 8:7

Majandeccu ai'vo in'jan'choma ti'tsse in'jan'da Chigama chi'ga'chondeccu tsu. Tsendeccuja Chiga manda'choma'qque chi'gapa ñoa'me manda'cho suqquia'caen tsoñe osha'fambi.

Galacia'su 4:16

Tsa'caen in'jansi ¿ja'ñojan ña que'inga tansintsse condasepa ñoa'me que'ima chi'ga, qquen ti qui in'jan'fa?

Santiago 4:4

¡Que'ija casara'chonaccu'su faesundeccui'ccu canse'su'can'fa qui! ¿Atesu'fambi ti qui va ande'su in'jan'chove in'jan'da qui Chiga in'jan'choma chi'ga'suve da'fa? Nane majan va andeni jincho'chove in'jan'choja Chigai'ccu iyicco'suve tsu da.

1 Juan 4:5

Tise'paja va ande'supa va andeni jincho'choma afa'je'fa. Tsa'cansi va andesundeccuja tise'pama paña'fa.