Juan 7:17 - Cofán: Chiga Tevaen'jen

¹⁷ Majan Chiga in'jan'qquia'caen tsoñe in'jan'da ña Chigane atesian'choma tsu atesu'faya. Nane tisune atesian'choecan'da tsu tsama'qque atesu'faye'can.

Juan 7:17 Iomraidhean Croise

Daniel 12:10

Toya nepimbi'te tise'pama noñangiansi tsain'bio a'i osha'choi'ccu vanasundeccu tsu ñotssia giya'tssive sombo'faya. Tsa'ma egae tsinconsundeccu tsu ti'tsse egae tsincomba canse'faya. Nane egae tsinconsundeccuja Chiga ma'caen tsoña'choma atesu'faya'bi. Tsa'ma injama'pandeqquiaja tsama in'jamba atesu'faya.

Oseas 6:3

¡Jinge quin'tsse tta'tta'faye Na'suma atesuye! Nane coejechiga pasambi'tsse sinte sombo'jeqquia'caen tsu Na'suja ñoa'metsse jiya. Unjin sanfani toya'caen coejefani tuiye ashaenqquia'caen tsu tiseja ñoa'metsse jiya.

Miqueas 4:2

Nane tsain'bio aindeccu tsa'caen bopa su'faya: “Jinge, Na'su ccotta'cconga ansunde'faye. Jinge, Jacob Chigama iñajan'jeni ja'faye. Tseni jasi tise tsu tise ma'caen canse'cho tsaiquima atesiaña'cho cuintsu ingi tsa'caen jacamba canse'faye.” Nane Zión ccotta'cco'ye tsu Na'su in'jan'choma atesiaña. Toya'caen Jerusaléne tsu tise Aya'fama afaya.

Mateo 6:22

Tso'fe tsu ai'vo'su tuño'can ingi in'jan'choma canjaeñe. Que tso'fe ñotssija pa'cco que ai'vo'qque a'tatssia'caen ñotsse tsu tsoña.

Lucas 8:15

Tsa'ma majan a'ija ñotssia andenga jon'choa'caen Chiga Aya'fama pañamba injama'choi'ccu aqque'pambi'tsse in'jan'fa. Tise'pa injama'choja ñotssisi tsa'caen anttembe'yi ñotsse naqquia'caen canse'fa.

Juan 3:21

Tsa'ma ñotsse cansesundeccu tsu a'tatssianga ji'fa cuintsu cca'indeccu in'jan'faye tise'pa tson'choja ñoa'me Chiga tson'cho tsu.

Juan 8:43

¿Micomba qui ña su'choma ñotsse paña'fambi? Nane ña su'choma pañañe in'jambipa qui paña'fambi.

Juan 8:44

Cocoya na'su tsu que'i yayaja. Que'ija tise'be qui. Tsa'camba qui tise in'jan'choma tsoñe in'jan'fa. Tseyi andema agattointe ja'ño pan cocoya na'suja a'ima fi'ttiye can'jen. Minga'ni'qque tiseja tansintsse su'choma afambi. Nane tiseja tansintsse afaye jinchombi. Aqquia afopoemba tisu in'jan'choma tsu afa. Tiseja afopa'chopa ñoa'me afopoen'su na'su tsu.

Juan 8:47

Majan Chigambe'ta tsu Chigane su'choma paña'faya. Tsa'ma que'ija Chigambembipa qui pañañe in'jan'fambi.

Tson'fa'cho 17:11

Bereandeccu tsu Tesalónicandeccuma ti'tsse injama'pandeqquia. Tsa'camba tsu tise'pa injama'cho ñoa'me avujatsse Chiga Aya'fama paña'fa. Tsa'caen pañamba poi a'ta tayo'su Chiga Tevaen'jema tta'tta'fa Pablo ñoa'me su'chove atesuye.