Juan 7:12 - Cofán: Chiga Tevaen'jen

¹² Aindeccuja tisene afaccopa majanjan su'fa: “Tsaja ño'a a'i tsu.” Tsa'ma cca'ija su'fa: “Me'i, ño'ambi tsu –aqquia a'ima afopoen'su tsu.”

Juan 7:12 Iomraidhean Croise

Mateo 10:25

Tsa'ma atesian'su vanaqquia'caen tsu shondo'su'qque vanaña'cho. Na'su vanaqquia'caen tsu sema'su'qque vanaña'cho. Nane ña gi tsa'o na'su. Ñama “Cocoya na'su Beelzebú tsu” qquen afasepa ña aindeccuma'qque ti'tsse tsu tsa'caen afase'faya.

Mateo 21:46

Tsa'caen in'jamba Jesúsma indipa piccoye in'jan'ma dyopa antte aindeccu tise'pama iyicca'yesa'ne dyojopa. Nane poiyi'cco a'i tsu Jesúsja Chiga Aya'fama afa'su qquen in'jan'fa.

Mateo 27:63

su'fa: —Na'su, tsa afopoen'su toya canseite tsu su: “Papa tres a'tangae gi ccase qquendyaya.”

Lucas 18:19

Jesúsja tisema su: —¿Jongoesie qui ñama su “Ñotssia”? Chiga Quitsayi tsu ñotssia. A'ija poiyi'cco ñotssimbi tsu.

Lucas 23:47

Tsonsi sundaro capitán tsa'caen da'choma attepa Chigama ñotsse afapa su: —Ñoa'me va a'ija egae tsincombi.

Lucas 23:50

Israe'su nasundeccu bopa Jesúsma fi'ttiye mandasi fa'eja tansintsse in'jamba fi'ttiye se'pi. Tsaja ño'a a'i, tise iniseja José. Judea ande'su Arimatea canqque'su a'i tsu. Tiseja in'jamba Chiga tisu aindeccuma ccushaemba mandaya'chove ronda'je.

Lucas 6:45

Toya'caen ño'a a'ija tise injama'cho'su ñotsse in'jan'chone ñotssiama tsu canjaen. Tsa'ma ega a'ija tise injama'cho'su egae jincho'chone egama tsu canjaen. Nane tisu injama'cho jinchoqquia'caen tsu a'ija afa.

Lucas 7:16

Poiyi'cco a'i tsama attepa ñoa'me dyo'fa. Tsa'ma Chigama ñotsse afapa su'fa: —Joccapitssia Chiga Aya'fama afa'su tsu inginga attian. Toya'caen tsu su'fa: —Chigaja Tise aindeccuma in'jamba fuiteye ji.

Juan 6:14

Tsonsi a'ija Jesús va canjaen'choma attepa su'fa: —Ñoa'me tsu va a'ija Chiga Aya'fama afa'su jiya'cho qquen su'cho.

Juan 7:32

Fariseondeccuja aindeccu Jesúsne condasecco'fa'choma paña'fa. Pañamba tsendeccuja Chigama afa'su nasundeccui'ccu Chiga etti'su sundarondeccuma manda'fa cuintsu Jesúsma indi'faye.

Juan 7:47

Tsonsi fariseondeccuja su'fa: —¿Que'i'qque ti qui tsa'caeñi afopoenge'fa?

Juan 7:52

Tsonsi su'fa: —¿Que'qque ti qui galilea'su? Chiga Tevaen'jema ñotsse canjan: Atteve'se qui Galileane Chiga Aya'fama afa'su ji'chove.

Juan 9:16

Qquen susi majan fariseondeccuja su'fa: —Tsa'caen sema'ma'qquia a'ta injansembe tsincon'cho a'ita Chigambembi tsu. Tsa'ma cca'indeccuja su'fa: —¿Ma'caen tsu egae tsincon'su'ta oshaya qquen ñotssiama canjaeñe? Tsa'caen supa fae'ngae in'jan'fambi.

Tson'fa'cho 11:24

Nane Bernabé tsu ñotssia a'i, Chiga Qquendya'pa ca'ni'cho. Tise injama'choi'ccu Na'su Jesúsve ñotsse in'jan. Tsa'camba avujapa candusiansi tsu tsain'bitssi a'i Na'su Jesúsve in'jan'fa.

Romanos 5:7

A'ija paye in'jambi faesu ño'a a'ima ccushaeñe. Nane ñoa'me ñotssia a'ima ccushaeñe majan a'i tsu paye dyojombi.

Filipo'su 2:14

Osha'chone noen'gembe'yi ni injanga iñajampañambe'yi que'i tsoña'choma tson'faja.