Juan 6:5 - Cofán: Chiga Tevaen'jen

⁵ Jesúsja camba tsain'bio a'i jiña'fasi attepa Felipema su: —¿Manima gi chava'faya a'ima o'fiaña'chove?

Juan 6:5 Iomraidhean Croise

Números 11:13

¿Manima gi aña'chove somboemba poiyi'cco tise'pama o'fiaña? Nane i'ná jipa tsu ‘Aña'chove ñanga afeja’ qquen ñama su'fa.

Mateo 15:33

Jesúsma shondosundeccuja su'fa: —Vani a'i menia can'jemba ¿mani gi japa panma chavanga'faya va tsain'bio a'ima o'fiañe?

Marcos 6:32

Tsa'cansi Jesús tisema shondosundeccui'ccu tisupayi shavongae ja'fa a'i menia.

Lucas 9:10

Jesúsne afasundeccu candusiañe japa toequi jipa tise'pa osha'cho tson'choma Jesúsnga condase'fa. Tsonsi Jesúsja tise'pama ccani anga. Betsaida canqque pporotsse japa can'jen'fa.

Juan 1:43

Ccaqui a'ta Jesúsja Galilea andeni jaye in'jamba Felipema attepa ttu'se: —Jija ñai'ccu.

Juan 1:44

Tsa Felipe tsu Betsaida canqque'su a'i. Andrés, Pedro'qque tsa canqque'su aindeccu.

Juan 1:45

Tsonsi Felipe Natanaelma tta'tta'su japa attepa su: —Tayo gi atte'fa a'ima majan'ne Moisés tayopi tevaen manda'cho tevaen'jenga. Tisene tsu Chiga Aya'fama afasundeccu'qque tevaen'fa. Jesús tsu, Nasaret canqque'su, tsa José dutssi'ye.

Juan 1:46

Natanaelja su: —¿Minguite tsu Nasaret'ye ñotssiaja somboya? Tsa'caen susi Felipeja su: —Jipa can'gija.

Juan 1:48

Natanael tisema pañamba iñajampaña: —¿Ma'caen qui ñama atesu? Tsonsi Jesúsja tisema su: —Felipe toya quema ttu'sembi'te gi quema atte, higuera teta'chojin tsosiccuni dyai'choma.

Juan 4:35

Nane que'ita qui su'fa: “Toya tsu shaca cuatro ccovu taiya'cho napiya'cho” Tsa'ma ñanda gi su: Asuccopa nasipama can'faja. Nasipanga jon'cho cu'chosi taiya'cho napiqquia'caen tsu a'ija pañañe ronda'je'fa.