Juan 6:31 - Cofán: Chiga Tevaen'jen

³¹ Nane ingi tayopisundeccuja a'i menia can'jemba pan'can'cho manáma an'fa. Qquen tsu Chiga Tevaen'jen su: “Sefacconi'su panma afe cuintsu an'faye.”

Juan 6:31 Iomraidhean Croise

Salmos 105:40

Israendeccu anqque'suve iñajansi yayapa chivi'rima moe. Toya'caen sefacconi'su panma tise'pa ttepputsse shequian moe.

Éxodo 16:35

Israendeccuja cuarenta canqque'fa pa'cco tsesu manáma amba canse'fa. Nane a'i can'jeni nepiya'ngae tsu tsa'caen an'jen'fa. Canaán andeni nepipa ca'niña'ngae tsu manáma an'jen'fa.

Juan 6:32

Tsonsi Jesúsja su: —Ñoa'me gi su: Moisésja sefacconi'su panma afembi tsu. Tsa'ma Chiga ña Quitsa tsu que'inga afe'je ñoa'me Chiga sefacconi'su panma.

Juan 6:49

Que'i tayopi'su coenzandeccuja pan'can'cho manáma an'fa a'i menia. Tsendeccu tsu pa'fa.

Juan 6:58

Afa gi sefaccone ande'cho panne. Va panda tsu que'i tayopi'su coenzandeccu'ye pan'can'cho manáma anqquia'cambi. Tsama an'an'qque pa'fa. Tsa'ma va panma an'chota tsangae tsu canse'faya.

1 Corinto'su 10:3

Poiyi'cco tsu fae'ngae Chiga afe'cho anqque'suma an'fa.

Deuteronomio 8:3

Tsa'caen in'jamba tise'pama qquipoe'sian vanae'an'qque tsu omboe manáma o'fian. Nane que'i ni que'i tayopisundeccu'ye tsa manáma atesu'fambisi Na'su Chigaja tsama o'fian cuintsu que'i qquen in'jamba canse'faye: jo'su panmeñi amba canse'faya'bipa Chiga Aya'fa'qque in'jaensi tsu a'ija ñoa'me canse'faya.

Josué 5:12

Tsa'caen an'fasi ccaqui a'ta sefaccone amppi'je'cho anqque'su manájan pasa. Ti'tsse manájan amppimbi. Tsa'ma tsa canqque'fa tsu cananeo ande'su anqque'suma amba canse'fa.

Canjaen'cho 2:17

Majan tsosinapaja Chiga Qquendya'pa Jesúsve in'jamba bo'fa'chonga su'choma paña'faja. Majan patsu'ninda gi tisenga a'tu'cho pan'can'cho manama afeya. Toya'caen totoa patuma afeya. Tsa patuni tsu tise cuna inisema tevaen'cho. Patuma isupa tisuyi tsu tsa inisema in'jaña.