Juan 5:39 - Cofán: Chiga Tevaen'jen

³⁹ Que'ija Chiga Tevaen'jema tsain'bitsse can'fa tsangae canseya'chove atesuye in'jamba. Nane tsa Chiga Tevaen'jen tsu ñane conda.

Juan 5:39 Iomraidhean Croise

Salmos 1:2

Tsa'ma tiseja Na'su manda'choma pañamba avujatsse canse. Nane pa'cco a'ta cose'qque tsama asi'ttaemba in'jamba canse.

Salmos 16:11

Que qui ñama atesian ma'caen can'jemba tsangae canseye. Nane quei'ccu can'jemba gi ñoa'me avujatssi. Tsangae gi anttembe'yi quei'ccu avujatssiya.

Daniel 12:2

Toya'caen tsain'bio papa atuye'chondeccu ccase qquendyapa majanda tsangae tsu canse'faya. Tsa'ma majanda ansangepa tsangae tsu vana'jen'faya.

Mateo 22:29

Pañamba Jesús tise'pama su: —Que'ija Chiga Tevaen'jema ñotsse atesumbipa qui tsa'caen qque'fa. Toya'caen Chiga osha'choma oshachosi qui tsama'qque atesumbipa qque'fa.

Marcos 10:3

Qquen su'fasi Jesúsja su: —¿Jongoe qquen tsu manda Moisésja?

Marcos 12:10

Can'fambi ti qui Chiga Tevaen'jen qquen su'choma: Tsaoñasundeccu in'jambipa joqquitssian'fa'cho patu tsu ñoa'me ti'tsse joccapitssia patuve da.

Lucas 16:29

Tsa'ma Abrahamjan su: “Tsendeccuja Moisés manda'choma an'bian'fa. Chiga Aya'fama afasundeccu tevaen'jema'qque an'bian'fa. Tsa'suma tsu paña'faya'cho.”

Lucas 16:31

Tsa'ma Abrahamjan tisema su: “Moisés manda'choma pañambi'ta, Chiga Aya'fama afasundeccu tevaen'jema pañambi'ta ñoa'me pa'cho qquendya'pa ja'ni'qque tisema paña'faya'bi.”

Lucas 24:25

Tsonsi Jesúsja tise'pama su: —¡Tsosinambi'fa qui! Ñoa'me qui injama'cho shaca'fa osha'cho Chiga Aya'fama afasundeccu su'choma in'jañe.

Lucas 24:27

Tsomba Moisés condase'choi'ccu ashaemba pa'cco Chiga Aya'fama afasundeccu Cristone condase'choma a'tatsse tise'panga atesian.

Lucas 24:44

Tsomba Jesúsja tise'pama su: —Ña toya que'i'ccu can'jeinte gi ja'ño tsoña'chone conda'a. Nane Moisés manda'cho, Chiga Aya'fama afasundeccu tevaen'jen, settapoen'cho tevaen'jen'qque ñama tsoña'chone condase'fa. Tsa tayoe ña que'inga condase'choma tsu ja'ño tson'fa.

Juan 1:45

Tsonsi Felipe Natanaelma tta'tta'su japa attepa su: —Tayo gi atte'fa a'ima majan'ne Moisés tayopi tevaen manda'cho tevaen'jenga. Tisene tsu Chiga Aya'fama afasundeccu'qque tevaen'fa. Jesús tsu, Nasaret canqque'su, tsa José dutssi'ye.

Juan 5:32

Tsa'ma faesu tsu ñane ñotsse afa'su. Atesu gi tise afa'choja ñoa'me tansintsse afa'cho tsu.

Juan 5:36

Tsa'ma Juan su'choma bove ñotsse canjaen'cho tsu jin. Ña Yaya ñama mandasi gi tsa'caen tson'jen. Tsa'caen tson'jensi tsu tsa tson'choja ñoa'me canjaen Chiga ñama manda'suve.

Juan 5:40

Tsa'ma tsa'caen tsangae canseye in'jan'ma qui ñama chi'ga'fa.

Juan 5:46

Que'ija Moisés su'chove in'jan'choecan'da qui ñame'qque in'jañe'can Moisésja ñane tevaensi.

Juan 7:52

Tsonsi su'fa: —¿Que'qque ti qui galilea'su? Chiga Tevaen'jema ñotsse canjan: Atteve'se qui Galileane Chiga Aya'fama afa'su ji'chove.

Tson'fa'cho 13:27

Jerusalénisundeccu, tise'pa nasundeccu'qque atesu'fambi majan tsu Jesús. Nane poi sema'ma'qquia a'ta canjan'fa tayopi'su Chiga Aya'fama afasundeccu tevaen'jema. Tsa'caen canjamba ñotsse paña'ma in'jan'fambi. Tsa'ma tsa Chiga Tevaen'jen suqquia'caen Jesúsma fi'tti'fa.

Tson'fa'cho 17:11

Bereandeccu tsu Tesalónicandeccuma ti'tsse injama'pandeqquia. Tsa'camba tsu tise'pa injama'cho ñoa'me avujatsse Chiga Aya'fama paña'fa. Tsa'caen pañamba poi a'ta tayo'su Chiga Tevaen'jema tta'tta'fa Pablo ñoa'me su'chove atesuye.

Tson'fa'cho 26:27

Na'su Agripa, ¿in'jan ti qui Chiga Aya'fama afasundeccu su'choma? Queta qui in'jan, qquen gi in'jan.

Romanos 1:2

Tayopi Chigaja Tise Aya'fama afasundeccuma in'jaen cuintsu Tise ñotssia aya'fama tevaen'faye. Tayopi tsa'caen tevaensi ja'ño'qque Chigaja va ñotsse condase'choma condase

Romanos 3:2

Ju, osha'chone tsu israendeccuja ti'tsse an'bian'fa. O'tie tsu Chigaja israendeccunga Tise Aya'fama afa.

Deuteronomio 18:18

Nane quema'caen gi faesu ña aya'fama afa'suve israendeccu'suma ccutsiaña. Ña tisenga jongoesuma condasesi tsu tsa ña mandapa su'choma aindeccunga condaya.

Colosa'su 3:16

Cristo su'cho que'i injama'choni can'jen'ninda ñotsse in'jan'faja. Tsa que'ima manda'ninda osha'choma in'jamba tisupapora ñotsse atesiamba candusiancco'faja. Fae'ngae settapoen'faja. Chigane settapoen'choma settapoen'da qui que'i injama'chone Chiganga ñotsse afa'fa.

Hebreo'su 11:16

Tsa'ma tseni jaye in'jambipa ñoa'me bove ñotsse can'jeña'chonga jaye in'jan'fa. Nane Chigave in'jamba tisu Chiga qquen supa sefacconi japa tsangae Tisei'ccu can'jeña'chonga jaye in'jan'fa. Tsa'caen in'jansi Chigaja tise'pai'ccu avujatssi. Tisu a'i'fa qquen supa tsu ñotssia canqqueve tise'pane ñoña tseni tise'pai'ccu tsangae canseye.

Hebreo'su 11:35

Nane majan Chigave in'jan'cho pushesundeccu, tise'pa in'jan'chondeccu pasi Chigaja pa'chondeccuma ccase qquendyaen. Tsa'ma majandeccu Chigave in'jamba indiyepa ti'tsse dyo'tsse vana'jen'fa. “Que Chigama a'tie'ninda gi quema fettaya” qquen tsu indisundeccuja su'fa. Tsa'ma Chigave in'jamba a'tiembe'yi dyo'tsse pa'fa. “Papa gi Chigai'ccu ñotsse canseya” qquen in'jamba tsu pa'fa.

Josué 1:8

Anttejama va Chiga manda'choma camba afaye. A'ta, cose'qque tsane in'janjan pa'cco tsanga tevaenqquia'caen tsomba canseye. Tsa'caen tsomba qui ñotsse nanimba ñotsse an'biaña.

Canjaen'cho 19:10

Tsonsi gi puntssamba afa'sumbe tsutteccofanga ccarupa dyai tisema ñotsse afaye. Tsa'ma tiseja ñama su: —Tsa'caen tsonjama. Que, que faenga'su Jesúsma pañamba in'jan'chondeccu'qque Chigambe semasundeccu qui. Ña'qque quei'ccu fae'ngae Chigambe sema'su gi. Chiganga ccarupa ñotsse afaja. Nane poiyi'cco majan Jesúsve in'jamba tansintsse condase'ta ñoa'me Chigane afasundeccu tsu.